ठाणे महानगरपालिकेत नोकरीची सुवर्णसंधी! ‘या’ पदाच्या ११६ जागांसाठी भरती सुरु, महिना ७५ हजारांहून अधिक पगार मिळणार

Thane Mahanagarpalika Bharti 2023 : ठाणे महानगरपालिकेत काम करण्याची एक चांगली संधी उपलब्ध झाली आहे. ती म्हणजे महापालिकेने कनिष्ठ निवासी पदाच्या रिक्त पदांसाठी नवीन भरतीची अधिसूचना जाहीर केली आहे. या भरती अंतर्गत ११६ जागा भरल्या जाणार आहेत. ठाणे महानगरपालिकेच्या छत्रपती शिवाजी महाराज रुग्णालय व राजीव गांधी वैद्यकीय महाविद्यालयाच्या आस्थापनेवरील कनिष्ठ निवासी या पदाकरीता एकत्रित वेतनावर १७९ दिवसाच्या कालावधीसाठी ही जाहिरात प्रसिद्ध करण्यात आली आहे. भरतीसाठी पात्र व इच्छूक उमेदवारांना छत्रपती शिवाजी महाराज रुग्णालय व राजीव गांधी वैद्यकीय महाविद्यालय, पहिला मजला, कळवा, ठाणे येथे ३ ऑगस्ट २०२३ रोजी सकाळी ११ या वेळेत थेट मुलाखतीस (Walk in Interview) उपस्थित रहावे लागणार आहे. भरती संबंधित अधिकची माहिती जाणून घेऊया.