यंदा बारावीचा निकाल का घटला? शिक्षण मंडळानं सांगितलं ‘हे’ कारण; म्हणे, “वेगळ्या वातावरणात…”

राज्य मंडळाचे अध्यक्ष शरद गोसावी म्हणाले की, यंदा निकाल २.९७ टक्क्यांनी घटला आहे. कारण, मागील परीक्षा वेगळ्या वातावरणात पार पडली. विद्यार्थ्यांना ७०, ८० आणि १०० गुणांसाठी वाढीव वेळ देण्यात आला होता. ७५ टक्के अभ्यासक्रमांवर परीक्षा घेण्यात आली होती. परंतु, यंदा १०० टक्के अभ्यासक्रमावर परीक्षा घेण्यात आली. कोणताही वाढीव वेळ देण्यात आला नाही.

आणखी वाचा

‘चिखलदरा स्‍कायवॉकचे काम महाविकास आघाडीने थांबविले’, उपमुख्‍यमंत्री देवेंद्र फडणीसांचा आरोप

Sushma Andhare : “माझी प्रिय भावजय” म्हणत सुषमा…

आजारी साखर कारखान्यांवर अजित पवार गटाचाही कब्जा, अमित शहांच्या आरोपानंतर विरोधी नेत्यांसह सत्ताधारी गटाचीही चर्चा

नाशिक परिक्षेत्रात २५ दिवसांत ५० कोटींचा मुद्देमाल जप्त, १७ हजार गुन्हेगारांविरुध्द कारवाई

वृध्दांच्या लोकसंख्येचा दर वाढता, काय आहेत आव्हानं?

उच्च शिक्षण घेऊ इच्छिणार्‍या विद्यार्थ्यांना मिळणार १० लाखांपर्यंत शैक्षणिक कर्ज; काय आहे ‘पंतप्रधान विद्यालक्ष्मी योजना’?

“…म्हणून महिलांना धमक्या दिल्या जात आहेत”; धनंजय महाडिकांच्या ‘त्या’ विधानावरून संजय राऊतांचा हल्लाबोल!

Ashok Pawar: आमदार अशोक पवार यांच्या मुलाचे अपहरण करून दहा कोटींची खंडणी, अश्लील चित्रफीत प्रसारित करण्याची धमकी

२०२३ मध्ये ज्याप्रमाणे नियमित परीक्षा झाली तशी परिक्षा २०२० मध्ये घेण्यात आली होती. २०२० मध्ये ९०.६६ टक्के निकाल लागला होता. तर, २०२३ मध्ये ९१.२५ टक्के निकाल लागला आहे. म्हणजेच ०.६९ टक्क्यांनी वाढ झाली आहे, असंही ते पुढे म्हणाले.

हेही वाचा >> बारावीचा निकाल जाहीर; राज्याचा निकाल ९१.२५ टक्के

 यंदा २१ फेब्रुवारी ते २१ मार्च या कालावधीत बारावीची परीक्षा घेण्यात आली. ३ हजार १९५ मुख्य केंद्रांवर झालेल्या या परीक्षेसाठी १४ लाख २८ हजार विद्यार्थ्यांनी नोंदणी केली होती. गेल्या पाच वर्षांतील सर्वोच्च विद्यार्थी नोंदणी यंदा झाली होती. कोकण विभागाचा निकाल सर्वाधिक ९६.१ टक्के, तर मुंबई विभागाचा निकाल सर्वांत कमी ८८.१३ टक्के लागला. मुलांपेक्षा मुलींच्या उत्तीर्णतेचे प्रमाण ४.५९ टक्क्यांन अधिक आहे.

गेल्या पाच वर्षांचा निकाल

२०१८ – ८८.४१ टक्के

२०१९ – ८५.८८ टक्के

२०२० – ९०.६६ टक्के

२०२१ – ९९.६३ टक्के

२०२२ – ९४.२२ टक्के

शाखानिहाय निकाल

कला – ८४.०५ टक्के

विज्ञान – ९६.९ टक्के

वाणिज्य – ९०.४२ टक्के

व्यवसाय अभ्यासक्रम – ९१.२५ टक्के

विभागीय मंडळनिहाय निकाल

पुणे : ९३.३४ टक्के

नागपूर – ९०.३५ टक्के

औरंगाबाद – ९१.८५ टक्के

मुंबई – ८८.१३ टक्के

कोल्हापूर – ९३.२८ टक्के

अमरावती – ९२.७५ टक्के

नाशिक – ९१.६६ टक्के

लातूर – ९०.३७ टक्के

कोकण – ९६.१ टक्के