आंतरराष्ट्रीय कीर्तीचे चित्रकार आणि ‘संस्कार भारती’चे राष्ट्रीय अध्यक्ष म्हणून काम करताना वासुदेव कामत यांना सातत्याने आपल्या पत्नीची, भारती यांची साथ मिळाली आणि त्यांचं काम म्हणजे दुधातला गोडवा ठरलं. म्हणूनच ते म्हणतात, जेथे जातो तेथे ती माझी सांगाती. भारती लग्नानंतर लॅन्डस्केपिंग, फोटोग्राफी, मराठी शिकल्या. आज दोघंही ‘संस्कार भारती’च्या माध्यमातून भारतीय संस्कृतीचा प्रसार करीत आहेत..
‘‘मी २२/२३ वर्षांचा असेन तेव्हाची गोष्ट. कोणत्यातरी महत्त्वाच्या कामासाठी मी एका सद्गृहस्थांच्या घरी फोन केला, तो त्यांच्या पत्नीने घेतला. ते घरात नाहीत हे कळल्यावर मी विचारलं, ‘कुठे गेलेत?’ उत्तर – ‘माहीत नाही.’ ‘माझ्यासाठी काही निरोप?’..‘माहीत नाही.’ ‘कधी येतील?’ ‘माहीत नाही.’ हा नन्नाचा पाढा ऐकून मी अवाक् झालो आणि त्याच क्षणी मनाशी खूणगाठ बांधली की भविष्यात आपली जी जोडीदार येईल तिला माझ्या कामाची/व्यवहाराची पूर्ण महिती असेल. तिचं कागदोपत्री नाव काहीही असो मी तिला गृहिणी म्हणूनच हाक मारेन..आणि वस्तुस्थिती अशी आहे की माझ्या पत्नीने, भारतीने ‘गृहिणी गृहमुच्चते’ हे सुवचन आपल्या वागण्यातून सिद्ध केलंय. माझ्या प्रत्येक जबाबदारीत ती दुधातल्या खडीसाखरेसारखी विरघळलीय.. त्यामुळे आज दुधाला जो गोडवा प्राप्त झालाय तो या साखरेमुळेच..’ आंतरराष्ट्रीय कीर्तीचे चित्रकार आणि ‘संस्कार भारती’चे राष्ट्रीय अध्यक्ष वासुदेव कामत पत्नीचं आपल्या आयुष्यातील स्थान उलगडत होते.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा