‘‘हो, स्त्रियाही शिकारी होत्या..’’

अति-प्राचीन काळात पुरुष शिकार करायचा आणि स्त्री सर्व कुटुंबांची काळजी घ्यायची, हे गृहीतक अगदी आजही घट्ट आहे, पण त्याला सुरुंग लागलाय तो ९००० वर्षांपूर्वीची काही दफनं मिळाल्यावर केल्या गेलेल्या संशोधनानंतर. एकूणच स्त्रीविषयक गृहीतकांचा बांध त्यानंतर ढासळत गेला आहे. स्त्री केवळ छोटय़ा नाही, तर ‘बिग गेम हंटिंग’मध्ये आपल्या कुशल दगडी हत्यारांसह कशी सामील होत होती, शिकारीसाठी व्यूहरचना कशी पुरुषांपेक्षा वेगळी करत होती याचे पुरावेच सापडत गेले.. मग आतापर्यंत पुरुषांनी केलेल्या संशोधनाचे अर्थ एकतर्फी का लावले गेले? स्त्री शिकाऱ्यांवरचा स्त्री संशोधकांचा अभ्यास स्त्रियांविषयीचे पूर्वग्रह दूर करायला मदत करील का? याचा हा आलेख..