चाचणी होण्याआधीच माकडांनी पळवले करोना रुग्णांचे नमुने, स्थानिकांमध्ये संसर्ग पसरण्याची भीती

धक्कादायक म्हणजे एक माकड झाडावर जाऊन नमुने गोळा करण्याचं किट चावत होता. यावेळी किटमधील काही गोष्टी तिथेच जमिनीवर खाली पडल्या. या घटनेचा व्हिडीओ सोशल मीडियावर व्हायरल झाला आहे. प्रसारमाध्यांनी मेरठचे जिल्हाधिकारी अनिल ढिंगरा यांना यासंबंधी विचारलं असता आपल्यापर्यंत असा कोणताही व्हिडीओ आला नाही, पण या घटनेची चौकशी करु असं सांगितलं आहे. या परिसरात मोठ्या प्रमाणात माकडांचा वावर आहे. पण माकडांकडे करोना किट असल्याने स्थानिकांमध्ये सध्या भीतीचं वातावरण आहे. माकडं जवळच्या वस्त्यांमध्ये फिरत असल्याने करोनाचा फैलाव होईल अशी चिंता त्यांना सतावत आहे.