‘पुरस्कार वापसी मोहीम पंतप्रधान नरेंद्र मोदींविरोधात वातावरण निर्मितीसाठीच’

पुरस्कार वापसीची मोहीम सुरू करण्यामागे पंतप्रधान नरेंद्र मोदी यांच्याविरोधात वातावरणनिर्मिती करणे हाच एक उद्देश होता. साहित्य क्षेत्रातल्या लोकांना पंतप्रधान नरेंद्र मोदींविरोधी वातावरण तयार करून ते वाढीला लावायचे होते असेही विश्वनाथ प्रसाद तिवारी यांनी म्हटले आहे.

२०१५ मध्ये देशभरात पुरस्कार वापसीची मोहीम राबवण्यात आली होती. या मोहिमेत अनेक साहित्यिक आणि कलाकार सहभागी झाले होते. देशात असहिष्णू वातावरण आहे. ही असहिष्णुता सहन करण्यासारखी नाही असे सांगत अनेक साहित्यिकांनी आपल्याला मिळालेले पुरस्कार परत केले होते. देशाप्रमाणेच महाराष्ट्रातही अशीच मोहीम राबवण्यात आली होती. आता या मागे फक्त मोदी विरोधाचे राजकारण होते आहे असे समजते आहे. साहित्य अकादमीच्या माजी अध्यक्षांनीच तसे स्पष्ट केले आहे.