बांगलादेशात विमान कोसळून १ ठार

रशियाचे खासगी मालवाहू विमान बुधवारी बंगालच्या उपसागरात कोसळून झालेल्या दुर्घटनेत विमानाचा अभियंता ठार झाला, तर नेव्हिगेटर गंभीर जखमी झाला आहे. विमानातील अन्य दोघे जण बेपत्ता आहेत.
सदर विमानाने ९.४० मिनिटांनी उड्डाण करताच ते किनाऱ्याजवळ उपसागरात कोसळले. विमान कोसळण्यापूर्वी वैमानिकाने आम्हाला तसा संदेश पाठविला होता, दोन इंजिनांपैकी एक इंजिन बिघडले आहे, असे वैमानिकाने कळविले होते.
त्यानुसार आम्ही विमानतळावर तातडीने विमान उतरविण्यासाठी व्यवस्था केली, मात्र ते विमान उपसागरात कोसळले, असे विमानतळ व्यवस्थापक सधनकुमार यांनी सांगितले.विमान अभियंता कुलीस्न अ‍ॅण्ड्रिय याला डॉक्टरांनी मृत घोषित केले, तर नेव्हिगेटर व्लोदिमीर कुल्तानोव्ह याच्यावर रुग्णालयात उपचार सुरू आहेत.