Maha Kumbh Mela 2025 : बोलेरोची बसला धडक… भयानक अपघातात कुंभमेळ्यासाठी प्रयागराजला निघालेल्या १० भाविकांचा मृत्यू

छत्तीसगडमधील कोरबा जिल्ह्यातून प्रयागराज येथील संगमावर स्नान करण्यासाठी हे भाविक जात होते. भाविकांना घेऊन जाणारी बोलेरोची मध्य प्रदेशातील राजगड जिल्ह्यातून येणार्‍या बसशी धडक झाली. दरम्यान उत्तर प्रदेशचे मुख्यमंत्री योगी आदित्यनाथ यांनी हा अपघाताची तात्काळ दखल घेतली असून अधिकार्‍यांना तातडीने मदतकार्य करण्याच्या तसेच जखमींवर योग्य ते उपचार करण्याच्या सूचना दिल्या आहेत.

या आठवड्याच्या सुरुवातीलाच मध्य प्रदेशातील जबलपूर जिल्ह्यात महाकुंभमेळ्यावरून परतणाऱ्या आंध्र प्रदेशातील सात यात्रेकरूंचा मृत्यू झाला होता तर दोघे जखमी झाले होते.

यापूर्वी २९ जानेवारी रोजी महाकुंभमेळ्याच्या ठिकाणी झालेल्या चेंगराचेंगरीत तीस जणांचा मृत्यू झाला होता. मौनी अमावस्येच्या निमित्ताने पवित्र स्नान करण्यासाठी एकाच वेळी मोठ्या संख्यने भाविक एकाजागी आल्याने संगम परिसरात पहाटेच्या वेळी बी चेंगराचेंगरी झाली होती. महाकुंभ १३ जानेवारी रोजी सुरू झाला असून २६ फेब्रुवारी रोजी याची सांगता होणार आहे.