Texas School Shooting: अमेरिकेतील शाळेत १८ वर्षीय हल्लेखोराचा अंदाधुंद गोळीबार; तीन शिक्षक आणि १८ विद्यार्थ्यांचा मृत्यू

मिळालेल्या माहितीनुसार, टेक्सासच्या उवाल्डे शहरात हा गोळीबार झाला आहे. येथे १८ वर्षाच्या एका हल्लेखोराने रॉब प्राथमिक शाळेत अंदाधुंद गोळीबार केला. या हल्ल्यात १८ विद्यार्थी आणि तीन शिक्षकांनी आपले प्राण गमावले आहेत. हल्लेखोरालाही ठार करण्यात आलं आहे. तो उवाल्डे हायस्कूलचा विद्यार्थी होता.

आणखी वाचा

Crime News : “मृत्यूनंतर काय होतं?”, गुगलवर सर्च केलं आणि स्वत:वरच झाडली गोळी; ९वीत शिकणाऱ्या मुलाचे धक्कादायक कृत्य

Ravindra Chavan : ‘उपरा’ डोंबिवलीकर ते भाजप प्रदेश…

नवी मुंबई : सानपाडा गोळीबार प्रकरणी एक अटक

पंजाबमधील आप आमदाराचा गोळी लागून मृत्यू, लुधियाना डीएमसी रुग्णालयात प्राणज्योत मालवली

पिंपरी : रहाटणीत तरुणाला चाकू, कोयत्याने मारहाण; दोघे अटकेत, तिघांविरोधात गुन्हा

Mumbai Crime : मुंबईतल्या शाळेत अल्पवयीन मुलीची आत्महत्या, बुटाच्या लेसने गळफास घेत आयुष्य संपवलं

बिबवेवाडीत तरुणांवर कोयत्याने वार; पोलिसांकडून दोघांना अटक

थेऊर गोळीबार प्रकरणातील पसार आरोपी अटकेत

हल्लेखोराने आजीवरही केला हल्ला

हल्लेखोरासंबंधी मोठा खुलासा झाला आहे. सीएनएनने सूत्रांच्या हवाल्याने दिलेल्या माहितीनुसार, शाळेत जाण्याआधी हल्लेखोराने आपल्या आजीला गोळी घातली होती. यानंतर त्यांना सॅन एंटोनियो रुग्णालयात उपचारासाठी दाखल करण्यात आलं होतं. त्यांच्यावर उपचार सुरु आहेत. आजीला गोळी घातल्यानंतर हल्लेखोर फरार झाला होता. यानंतर तो शाळेत पोहोचला आणि विद्यार्थ्यांवर गोळीबार केला.

टेक्सासच्या सार्वजनिक सुरक्षा विभागाने दिलेल्या माहितीनुसार, गोळीबार करण्याआधी हल्लोखोरासोबत दोन घटना घडल्या. सर्वात आधी त्याने आपल्या आजीला गोळी घातली. नंतर शाळेजवळ एका वाहनाला धडक दिली. अधिकाऱ्यांनी दिलेल्या माहितीनुसार, शाळेत घुसण्याआधी हल्लेखोराने बुलेटप्रूफ जॅकेट घातलं होतं, तसंच हातात बंदुक होती. यानंतर तो शाळेतील वेगवेगळ्या वर्गात गेला आणि गोळीबार करण्यास सुरुवात केली. या गोळीबारात २१ जणांना आपला जीव गमवावा लागला.

कारवाई करण्याची वेळ – जो बायडन

अमेरिकेचे राष्ट्राध्यक्ष जो बायडन यांनी एक राष्ट्र म्हणून आपल्याला देवाच्या नावे गन लॉबीविरोधात कधी उभे राहणार आहोत? असं विचारावं लागणार असल्याचं म्हटलं आहे. आई, वडील तसंच देशातील प्रत्येक नागरिकाच्या वेदनांना आता कारवाईचं रुप द्यावं लागेल असंही ते म्हणाले आहेत. प्रत्येक अधिकाऱ्याला ही काम करण्याची वेळ आहे असं स्पष्ट करावं लागेल असंही सांगितलं.

जो बायडन म्हणाले की, “आज अनेक आई-वडील आपल्या मुलांना पुन्हा पाहू शकणार नाहीत. मुलांना गमावण्याची ही वेदना आपल्या शऱिरातून आत्मा काढून घेण्यासारखी आहे”.

अमेरिकेत २०२२ मध्ये सामूहिक गोळीबाराच्या २१२ घटना

अमेरिकेत सामूहिक गोळीबाराच्या घटनांमध्ये वाढ झाली आहे. Gun Violence Archive च्या माहितीनुसार, २०२२ मध्ये गोळीबाराच्या किमान २१२ घटना झाल्या आहेत. GVA नुसार, ज्या घटनांमध्ये चार लोकांचा मृत्यू किंवा जखमी झाले आहेत त्यांना सामूहिक गोळीबारात समाविष्ट करण्यात आलं आहे.