भारतीय विद्यार्थ्याला अमेरिकेत सात महिने डांबून ठेवलं, मार-मार मारलं अन्…, पोलिसांनी दिली अमानवीय कृत्यांची माहिती

या भारतीय विद्यार्थ्याचे नाव गुलदस्त्यात आहे. परंतु, त्याला त्याच्या एका चुलत भावाने आणि दोघांनी सात महिन्यांहून अधिक काळ डांबून ठेवले होते, अशी माहिती इंडिया टुडेने दिली आहे. पीटीआयच्या हवाल्याने दिलेल्या वृत्तानुसार, इंडिया टुडेने म्हटलं आहे की, एका स्थानिकाने याबाबत पोलिसांना माहिती दिली. त्यानुसार, पोलिसांनी सेंट चार्ल्स काऊंटीमधील ग्रामीण महामार्गावर असलेल्या एका घरात पोलिसांनी धाड टाकली. तेथून व्यंकटेश आर सत्तारू (३५), श्रावण वर्मा पेनुमेत्वा (२४) आणि निखिल वर्मा पेनमत्सा (२८) अशी अटक करण्यात आलेल्या आरोपींची नावे आहेत.

आणखी वाचा

VIDEO : हे काय ! रेल्वेच्या धडकेत १३ वाघ मृत्युमुखी

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

VIRAL VIDEO: ‘ती पुन्हा कधीच दिसणार नाही…’ AI च्या मदतीने आईला मारली मिठी, लेकीने शेअर केला व्हिडीओ

मुंबई: हातावर गोंदवलेल्या प्रेयसीच्या नावामुळे लागला हत्येचा छडा, प्रेमप्रकरणावरून बिहारमधील तरुणाची मुंबईत हत्या

Kashmiri Girl Suicide : बॉयफ्रेंड नीट बोलत नाही म्हणून बँक ऑफ अमेरिकेतील काश्मिरी तरुणीची हैदराबादमध्ये आत्महत्या

पाच जणांना १९ नोव्हेंबरपर्यंत पोलीस कोठडी, बाबा सिद्दिकी हत्या प्रकरण

कोवळ्या वयात एवढा राग…मुंबईत अल्पवयीन मुलाकडून आईवर चाकूने हल्ला, महिलेवर शीव रुग्णालयात उपचार सुरू

पूर्वपरीक्षेपूर्वी दहावीतील विद्यार्थिनीची आत्महत्या

सत्तारू याने या विद्यार्थ्याला एप्रिल महिन्यापासून त्याच्या खोलीत डांबून ठेवलं होतं. त्याला स्टुडंट व्हिसा मिळवून देण्याचं आमिष दाखवलं होतं. परंतु, त्याच्या पासपोर्टची विल्हेवाट लावण्यात आली. दिवसभराची सर्व कामे त्याच्याकडून करून घेतली जात होती. तसंच, सत्तारूच्या आयटी कंपनीतील कामेही या विद्यार्थ्याला करायला सांगितले होते. एवढंच नव्हे तर, सत्तारूने दोघांना त्याच्या घरी बोलावून या विद्यार्थ्याला मारपीट करायला लावली. या मारपीट दरम्यान विद्यार्थी जोरात किंचाळला नाही तर त्याला आणखी जोरात बडदायला सांगितलं जायचं. पीडित विद्यार्थ्याला शौचासही जाण्यास परवानगी देण्यात आली नव्हती. तर, त्याला फरशीवर झोपवले जायचे.

पीडित विद्यार्थी केवळ तीन तासच झोपू शकत होता. तसंच, तो त्याच्या आईशीही संपर्क साधू शकत नव्हता. आईला व्हिडीओ कॉल करण्यासही मज्जाव करण्यात आला होता.

पीडित विद्यार्थ्याने पोलिसांना दिलेल्या माहितीनुसार, सत्तारु हा भारतातील एका श्रीमंत घराण्यातील मुलगा असून त्याचा राजकीय क्षेत्रातील लोकांशी संबंध आहे. ही अत्यंत अमानवीय आणि अविवेकी कृत्य असल्याचं पोलिसांनी म्हटलं आहे. सत्तारूची डिफिएन्स, डार्डेन प्रेरी आणि ओ फॉलॉन येथे घरे आहेत. तो ओ फॉलॉन येथे त्याच्या पत्नी आणि मुलांसह राहत होता. तर, या घटनेत आरोपी असलेले दोघेजण पीडिताला जिथे डांबून ठेवले होते, तिथे राहत होते. त्यामुळे, याप्रकरणी मानवी तस्करी अतंर्गत या तिघांवर गुन्हा दाखल करण्यात आला आहे.