दोनशे जागा, चार हजार इच्छुक

राजस्थानमध्ये विधानसभेच्या २०० जागांसाठी काँग्रेसकडे ४ हजार इच्छुकांनी उमेदवारी मागितली आहे. त्यामुळे उमेदवार निवडीला वेळ लागत असल्याचे सरचिटणीस अजय माकन यांनी सांगितले.
पक्षाचे उपाध्यक्ष राहुल गांधी यांच्या निकषांनुसार उमेदवार निवडले जात आहेत. त्यामुळे उमेदवार घोषित करण्याची नेमकी तारीख सांगणे कठीण असल्याचे माकन यांनी सांगितले. राजस्थानमध्ये काँग्रेसला सत्तेत पुन्हा येण्याची संधी असल्याचा दावा त्यांनी केला. राजस्थानमध्ये १ डिसेंबरला मतदान होणार आहे.