छत्तीसगडमधील विजापूर-सुकमा सीमेवर मंगळवारी झालेल्या नक्षलवाद्यांच्या हल्ल्यात तीन सुरक्षा जवान शहीद झाले आहेत. तर १४ जण जखमी झाले आहेत. अधिकाऱ्यांनी दिलेल्या माहितीनुसार, जवान सुकमा जिल्ह्यात गस्त घालत असताना त्यांच्यावर गोळीबार झाला.
नक्षल कारवायांवर अंकुश ठेवण्यासाठी, विजापूर-सुकमा सीमेवरील टेकलगुडेम या गावात आज नवीन सुरक्षा छावणीची स्थापना करण्यात आली. यामुळे परिसरातील लोकांना मूलभूत सुविधांचा लाभ मिळणार आहे. छावणीच्या स्थापनेनंतर माओवाद्यांनी जोनागुडा-अलिगुडा भागात नक्षलविरोधी कारवाया करत असताना CoBRA/STF/DRG दलावर गोळीबार केला. चकमकीनंतर माओवादी जंगलात पांघरूण घेऊन पळून गेले. सर्व १४ जखमी सुरक्षा कर्मचाऱ्यांना उपचारांसाठी एअरलिफ्ट करून रायपूरला नेण्यात आले आहे.
या महिन्याच्या सुरुवातीला सुरक्षा दलांनी जिल्ह्यातील नक्षलवादी क्षेत्र असलेल्या ठिकाणी दोन पोलीस छावण्या उभारल्या होत्या. प्रजासत्ताक दिनी सुकमा-विजापूर परिसरात प्रथमच भारतीय तिरंगा फडकवण्यात आला.
केंद्रीय गृहमंत्री अमित शहा यांनी अलीकडेच छत्तीसगडची राजधानी रायपूरमध्ये डाव्या विचारसरणीवर (LWE) सर्व संबंधितांशी आढावा बैठक घेतली. यावेळी त्यांनी माओवाद्यांचा धोका पुढील तीन वर्षांत संपला पाहिजे, असं वक्तव्य केलं होतं.
सातत्याने नक्षलवादी हल्ले
गेल्या काही महिन्यांपासून सुरक्षा जवानांवर अनेक हल्ले झाले आहेत. डिसेंबरमध्ये राज्यातील दोन टप्प्यातील मतदानादरम्यान, बंदी घातलेल्या सीपीआय (माओवादी) च्या सदस्यांनी दोन सुरक्षा कर्मचाऱ्यांना मारले होते आणि तीन वेगवेगळ्या हल्ल्यांमध्ये एक इम्प्रोव्हाइज्ड एक्सप्लोसिव्ह डिव्हाईस (आयईडी) वापरून गंभीर जखमी झाले होते.
बस्तर पोलिसांनी सांगितले होते की निवडणुकीची घोषणा आणि मतदान संपल्यानंतर तीन दिवसांनंतर या भागात १० गोळीबार आणि आठ आयईडी स्फोट झाले. यात सहा नागरिक ठार झाले असून ४२ आयईडी जप्त करण्यात आले आहेत.
