नशीबच रुसलं! ज्योतिरादित्य आणि माधवराव सिंधियांचा हा योगायोग ठाऊक आहे?

असाच काहीसा किस्सा ज्योतिरादित्य सिंधिया यांचे वडील माधवराव सिंधियांच्या बाबतीतही झाला होता. 1989 मध्ये अर्जुन सिंह यांच्यावर भ्रष्टाचाराचे आरोप झाल्याने त्यांना राजीव गांधींनी पद सोडण्यास सांगितले. त्यावेळी मुख्यमंत्रीपदी माधवराव सिंधिया यांची निवड होणार असेच वाटले होते. मात्र तसे घडले नाही, माधवराव सिंधिया यांनी दोन दिवस काय घडते आहे याची वाट पाहिली त्यांना खात्री होती की हाय कमांडचे आदेश आल्यावर आपणच मध्यप्रदेशचे मुख्यमंत्री होणार.

मात्र काँग्रेसने मोतीलाल व्होरा यांच्या गळ्यात मुख्यमंत्रीपदाची माळ घातली आणि माधवराव सिंधिया यांचे मुख्यमंत्री होण्याचे स्वप्न भंगले. अगदी वडिलांप्रमाणेच ज्योतिरादित्य सिंधिया यांचीही मुख्यमंत्री होण्याची संधी थोडक्यात हुकली. त्यांच्याजागी 72 वर्षीय कमलनाथ यांची वर्णी लागली आहे. आपल्यावर नशीबच रुसलं अशी भावना माधवराव सिंधिया यांच्या मनात आली असेल आणि योगायोगाची बाब म्हणजे 30 वर्षांनी ज्योतिरादित्य सिंधियाही हेच म्हणत असावेत.