छत्तीसगडमधील सुकमा जिल्ह्यात आज सकाळी सुरक्षा रक्षक आणि नक्षलवाद्यांमध्ये झालेल्या चकमकीत चार महिला नक्षलवादी ठार झाल्या आहेत.
सुकमा जिल्ह्यातील अर्णपूर भागात स्पेशल टास्क फोर्स आणि सीआरपीएफच्या जवानांनी संयुक्तरित्या केलेल्या कारवाईत महिला नक्षलवादी ठार झाल्याची माहिती पोलीस अधिका-यांनी दिली आहे. यानंतर सुरक्षा रक्षकांकडून राबविण्यात आलेल्या शोधमोहिमेत नक्षलवाद्यांकडून शस्त्रास्त्रांचा साठा जप्त करण्यात आला आहे.
