जपानची राजधानी टोकियो शहराला सोमवारी दुपारी भूकंपाचा जोरदार धक्का बसला. रिश्टर स्केलवर याची तीव्रता ५.७ इतकी नोंदवली गेली. उत्तर टोकियोतील एका अणुभट्टीजवळ याचा केंद्रबिंदू होता. या भूकंपानंतर त्सुनामीचा इशारा मात्र हवामान विभागाने दिलेला नाही. भूकंपानंतर सुमारे ३० सेकंद येथील इमारतींना हादरे बसले होते. या भूकंपामुळे अद्याप कोणतीही जीवित वा वित्तहानी झाल्याचे वृत्त हाती आलेले नाही. स्थानीय वेळेनुसार दुपारी ४.२३ मिनिटांनी हा भूकंप झाला.
