दिल्लीतल्या बुराडी येथे सहा वर्षांपूर्वी एका कुटुंबातील ११ सदस्यांच्या सामूहिक मृत्यूची घटना घडली होती. या घटनेने दिल्लीसह संपूर्ण देश हादरला होता. आता तशीच एक घटना मध्य प्रदेशमध्ये घडली आहे. मध्य प्रदेशच्या अलीराजपूर येथील एकाच कुटुंबातील पाच सदस्यांच्या मृत्यूचं प्रकरण समोर आलं आहे. या घरातील पाच सदस्यांचे मृतदेह छताला लटकल्याचं पाहून अलीराजपूर हादरलं आहे. पती-पत्नी आणि त्यांच्या तिन्ही मुलांचे मृतदेह घरात आढळले आहेत. या घटनेची माहिती मिळताच जिल्हा पोलीस अधीक्षक राजेश व्यास घटनास्थळी दाखल झाले. व्यास म्हणाले, “ही सामूहिक आत्महत्या आहे की हत्या हे एफएसएल आणि शवविच्छेदन अहवालानंतर आपल्याला समजेल.” व्यास यांच्या पाठोपाठ फॉरेन्सिक पथकही घटनास्थळी दाखल झालं असून ते पुरावे गोळा करण्याचं काम करत आहेत. सहा वर्षांपूर्वी आजच्या दिवशी (१ जुलै २०१८) बुराडी येथे एका कुटुंबातील ११ सदस्यांनी सामूहिक आत्महत्या केली होती. अलीराजपूरमधील प्रकरण त्याच घटनेची पुनरावृत्ती असल्याचं बोललं जात आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
