५४ बेपत्ता सैनिक पाकिस्तानच्या तुरुंगात

१९६५ आणि १९७१च्या युद्धांपासून बेपत्ता झालेले ५४ भारतीय सैनिक पाकिस्तानच्या तुरुंगात खितपत पडले असावेत, असा अंदाज केंद्रीय संरक्षणमंत्री ए. के. अँटनी यांनी सोमवारी लोकसभेत व्यक्त केला. या सैनिकांची सुटका करण्यासंदर्भात भारत सरकारने वारंवार पाकिस्तानशी चर्चा केली. मात्र हे सैनिक आपल्या ताब्यात नसल्याचे पाकिस्तानचे म्हणणे आहे, असे अँटनी एका प्रश्नाच्या उत्तरात म्हणाले. यापैकी काही सैनिकांच्या कुटुंबीयांचा समावेश असलेले १४ जणांचे शिष्टमंडळ २००७मध्ये पाकिस्तानमधील दहा तुरुंगांची पाहणीही करून आले, मात्र त्यांना प्रत्यक्षात कोणताही बेपत्ता भारतीय सैनिक आढळला नाही.