उत्तर प्रदेशमध्ये एक भीषण अपघाताची घटना समोर आली आहे. शाहजहांपुर येथे एक ट्रॅक्टर ट्रॉली नदीवरील पुलावरून खाली कोसळली आहे. या घटनेत ६ जणांचा मृत्यू, तर १० जण गंभीर जखमी झाले आहे. या घटनेची माहिती मिळताच पोलीस अधिकारी तातडीने घटनास्थळी दाखल झाले. जखमींना रुग्णालयात उपचारांसाठी दाखल करण्यात आलं आहे. मिळालेल्या माहितीनुसार, ही घटना तिलहर क्षेत्र येथील बिरसिंगपुर गावाजवळ घडल्याचं सांगितलं जात आहे. सर्वजण गर्दा नदीत पाणी भरण्यासाठी आले होते. तेव्हा नदीवरील पुलावरून जात असताना ट्रॅक्टर ट्रॉली कठडा तोडून खाली कोसळली. यात ६ जणांचा मृत्यू, तर १० जण गंभीर जखमी झाले. घटनेची माहिती मिळतात पोलीस तात्काळ घटनास्थळी दाखल होत बचावकार्याला सुरूवात केली. जखमींना पुढील उपचारांसाठी रुग्णालयात दाखल केलं आहे. या घटनेनंतर मुख्यमंत्री योगी आदित्यनाथ यांनी गर्रा नदीवरील अपघातावर दु:ख व्यक्त केलं आहे. तसेच, मृतांच्या कुटुंबियांना २ लाख तर जखमींना ५० हजार रुपयांची मदत मुख्यमंत्री योगींनी जाहीर केली आहे.