बाबरी पतनानंतर झाल्या ‘मौनी माता’, राम मंदिराची प्राणप्रतिष्ठा होताच सोडणार ३० वर्षांचे मौन व्रत

धनबाद जिल्ह्यातील सरस्वती देवी यांनी १९९० पासून एक शब्दही उच्चारलेला नाही. अयोध्येत राम मंदिर व्हावे, यासाठी त्यांनी हे व्रत घेतले होते. सरस्वती देवी यांच्या कुटुंबियांनी एएनआय वृत्तसंस्थेशी बोलताना सांगितले की, अयोध्येत राम मंदिर उभारले जात नाही, तोपर्यंत मौन बाळगणार असा प्रण त्यांनी केला होता. आता प्राणप्रतिष्ठा झाल्यानंतर त्या आपले व्रत सोडतील. सोमवारी (८ जानेवारी) त्या अयोध्यात जाण्यासाठी धनबादहून रवाना झाल्या.

आणखी वाचा

राज्यात लोकप्रतिनिधींच्या ४० हजार जागा रिक्त

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

काहीही करा पण मंत्रीपदी सत्तार नको, भाजप कार्यकर्त्यांचे साकडे

नाशिक : जिल्ह्यात शंभर दिवसांसाठी क्षयरोग जागृती मोहीम

तुळजाभवानी मंदिराला मिळणार पुरातन झळाळी, जीर्णोध्दाराचे काम पुरातत्व खात्याच्या निगराणीखाली वेगात सुरू

पत्नी विरहातून घर सोडले, १५ वर्षानंतर कुटुंबात परतला; नागपुरातील मेयो रुग्णालयात…

डॉ. श्रीकर परदेशी मुख्यमंत्र्यांचे सचिव होताच यवतमाळात आनंद

संविधानभान: जम्मूकाश्मीरची ऐतिहासिक पार्श्वभूमी

सरस्वती देवी यांना धनबाद जिल्ह्यात मौनी माता म्हणून लोकप्रिय आहेत. त्या आपल्या कुटुंबियांशी हातवारे करून संवाद साधतात. तसेच लिहूनही त्या आपले म्हणणे मांडतात. मध्यंतरी त्यांनी मौन व्रतामध्ये थोडासा विश्राम घेतला होता. २०२० साली त्या रोज दुपारी एक तास बोलत असत. ज्यादिवशी पंतप्रधान नरेंद्र मोदी यांनी अयोध्येत राम मंदिराचे भूमिपूज केले. त्यादिवशी त्यांनी पुन्हा दिवसभराचे मौन व्रत धारण केले.

सरस्वती देवी यांचे छोटे सुपुत्र ५५ वर्षीय हरेराम अग्रवाल यांनी पीटीआयशी बोलताना सांगितले की, ६ डिसेंबर १९९२ रोजी जेव्हा बाबरी मशिदीचे पतन झाले, तेव्हापासून माझ्या आईने अयोध्येत राम मंदिराचे निर्माण व्हावे, यासाठी मौन व्रत घेतले. राम मंदिराचे उदघाटन करण्याची तिथी जेव्हा जाहीर झाली, तेव्हापासून माझी आई आनंदात आहे. अयोध्येतील महंत नृत्य गोपाल दास यांच्या त्या शिष्या आहेत. त्यामुळे त्यांना अयोध्येतील राम मंदिर उदघाटन सोहळ्याचे निमंत्रण मिळालेले आहे. त्यानुसार ८ जानेवारी रोजी त्या अयोध्येसाठी रवाना झाल्या.