त्रिपुरामध्ये ९१.६ टक्के मतदान

मुख्यमंत्री माणिक सरकार, अर्थमंत्री बादल चौधरी, उच्चशिक्षणमंत्री अनिल सरकार, प्रदेश काँग्रेसचे अध्यक्ष सुदीप राय बर्मन, माजी मुख्यमंत्री समीर रंजन बर्मन आणि आयएनपीटी पक्षाचे अध्यक्ष बिजय हरखनवाल यांच्यासह १६ राजकीय पक्षांच्या २४९ उमेदवारांचे भवितव्य गुरुवारी मतदान यंत्रात बंद झाले.
खायेरपूर मतदारसंघातील बोधजंगनगर येथे एका झुडपातून केंद्रीय राखीव पोलीस दलाच्या जवानांनी पाच कच्चे बॉम्ब हस्तगत केले. राज्याच्या कोणत्याही भागातून अनुचित प्रकार घडल्याचे वृत्त नाही. मतदान यंत्रामध्ये तांत्रिक बिघाड झाल्याने सोनमुरा आणि धर्मनगर येथील मतदान थांबविण्यात आले होते. तथापि, मतदान यंत्रे बदलण्यात आली आणि दहा मिनिटांनी पुन्हा मतदान सुरू झाले.