मोदींची अवस्था विहिरीतून बाहेर पडलेल्या बेडकासारखी – खुर्शिद

गुजरातचे मुख्यमंत्री नरेंद्र मोदी यांची अवस्था विहिरीतून नुकत्याच बाहेर आलेल्या बेडकासारखी झाली असून ते सध्या विशाल जगात आपल्यासाठी योग्य जागा शोधत आहेत, अशी टीका परराष्ट्र व्यवहारमंत्री सलमान खुर्शिद यांनी केली आहे.
भाजपला मोदी यांचा अभिमान वाटत असला तरी देशाला त्यांचा अभिमान वाटत नाही. मोदी यांच्या नेतृत्वाच्या मुद्दय़ावर भाजपमध्ये फूट पडली तरी त्याचा काँग्रेसला काहीच फरक पडत नाही, असेही खुर्शिद म्हणाले.