अबब ! स्टाफ मीटिंग सुरु असताना छतावरुन पाच फूट अजगर पडला खाली

या पाच फूट अजगराचं वजन पाच किलो होतं. एबीसी न्यूजने दिलेल्या वृत्तानुसार, शुक्रवारी चीनच्या इंडस्ट्रीयल अॅण्ड कमर्शिअल बँकेत ही घटना घडली. अजगराचा हा व्हिडीओ सोशल मीडियावर व्हायरल झाला असून थोड्याच वेळात व्हिडीओला लाखो व्ह्यूज मिळाले आहेत.

बँकेच्या कर्मचाऱ्यांनी यानंतर वनविभागाच्या अधिकाऱ्यांना बोलावलं. त्यांनी अजगराला ताब्यात घेऊन जंगलात सोडलं आहे. एखाद्या पक्षाने अजगराला पकडून इमारतीत आणलं असावं अशी शक्यता बँक कर्मचाऱ्यांकडून व्यक्त केली जात आहे.