दगडफेक करणारी मुलगी ते फूटबॉलपटू, नरेंद्र मोदींनी सांगितलं काश्मिरी तरुणीचं परिवर्तन

पंतप्रधान नरेंद्र मोदी यांनी या लेखात अफशा आशिक हिचा उल्लेख केला आहे. ती कधीकाळी श्रीनगरमधील दगडफेकीत सहभागी होती. परंतु, कलम ३७० रद्द झाल्यानंतर तिला तिच्यातील फुटबॉलचं कौशल्य दिसलं. तिला त्यानुसार प्रशिक्षण मिळालं आणि आज ती देशातील नामवंत फुटबॉलपटू आहे. याबाबत मोदी लिहितात, “क्रिडा क्षेत्रातील तरुणांची क्षमता लक्षात घेऊन आम्ही जम्मू आणि काश्मीरमध्ये विविध उपक्रम राबवले. विविध खेळांच्या माध्यमातून तेथील तरुणांच्या आकांक्षा आणि भविष्यात झालेले बदल आम्ही पाहिले आहेत. या दरम्यान विविध खेळांच्या जागांचं आधुनिकीकरण करण्यात आलं. प्रशिक्षण कार्यक्रम आयोजित केले. प्रशिक्षक उपलब्ध करून दिले. स्थानिक पातळीवर फुटबॉल क्लबची स्थापना करण्यासाठी प्रोत्साहित करण्यात आले. या सर्वांचा परिणाम चांगला होती”, असंही मोदी म्हणाले.

हेही वाचा >> Article 370 : ‘भारताला कोणताही अधिकार नाही’, सर्वोच्च न्यायालयाच्या निर्णयावर पाकिस्तानची नाराजी

“मला प्रतिभाशाली फुटबॉल खेळाडू अफशा आशिक हिचं नाव आठवतंय. डिसेंबर २०१४ मध्ये ती दगडफेक करणाऱ्या समुहात होती. परंतु, योग्य प्रोत्साहन मिळाल्याने तिने फुटबॉल खेळासाठी प्रयत्न केले. तिला प्रशिक्षणासाठी पाठवण्यात आलं. या खेळात तिने उत्कृष्ट कामगिरी केली. फिट इंडिया डायलॉग्स या कार्यक्रमात तिच्याबरोबर माझी भेट झाली होती. या भेटीत मी तिला म्हटलं होतं की, बेंड इट लाईक बेकहमच्या पुढे जाण्याची वेळ आली आहे. कारण आता लोक Ace it like Afshan (अफशाप्रमाणे निपुण व्हा)म्हणत आहेत. मला आनंद आहे की, आता तरुणांनी किकबॉक्सिंग, कराटे आणि इतर अनेक खेळात आपली प्रतिभा दाखवायला सुरुवात केली आहे.

दरम्यान, पंतप्रधान नरेंद्र मोदी यांनी या लेखातून काश्मीरमधील बदलती परिस्थिती यावर भाष्य केलं आहे. यातून त्यांनी तरुणांच्या आयुष्यात झालेल्या बदलाबाबत त्यांनी सकारात्मक बाब या लेखातून समोर ठेवली.