“अफगाणिस्तानला तालिबानीस्तान होऊ देणार नाही”, अमरुल्ला सालेह यांचा इशारा

“आम्हाला वाटतं देशातील नागरिकांना स्वतंत्रपणे जीवन जगता यावं. आम्ही अफगाणिस्तानला तालिबानीस्तान बनू देणार नाहीत. अफगाणी लोकांना त्यांची बाजू मांडण्याची संधी मिळायला हवी. दडपशाहीत हे शक्य नाही” असं स्पष्ट शब्दात अमरुल्ला सालेह यांनी सांगितलं. तालिबानने सत्ता येताच अफगाणिस्तानातून माजी राष्ट्रपती अशरफ घनी यांच्यासह संपूर्ण मंत्रिमंडळाने पळ काढला आहे. “राष्ट्रपती अशरफ घनी यांनी लोकांची फसवणूक केली आहे. ते देशाला संकटात टाकून पळून गेले आहेत. पण आमचं एकच लक्ष्य आहे की, आम्ही दडपशाही सहन करणार नाही. त्याला जोरदार प्रत्युत्तर देऊ”, असंही सालेह यांनी इंडिया टुडेला दिलेल्या मुलाखतीत सांगितलं.

Afghanistan Crisis: श्री गुरु ग्रंथ साहिबचे ३ सरूप भारतात दाखल; अफगाणिस्तानशी असलेली नाळ तुटण्याची शिखांना भीती

“पंजशीरमधील काही भाग तालिबानच्या ताब्यात असल्याचं वृत्त चुकीचं आहे. पंजशीर तालिबानचं काहीही अस्तित्व नाही. पंजशीरमधील नागरिक सतर्क असून तालिबानसमोर झुकण्यास तयार नाहीत. आम्ही सर्व बाबतीत चर्चा करण्यास तयार आहोत. आम्हाला शांतता हवी आहे. पण जर तालिबानला लढाई करायची असेल, तर आम्हीही तयार आहोत”, असा कार्यकारी राष्ट्रपती अमरुल्ला सालेह यांनी इशारा दिला आहे. “अहमद मसूद तालिबानशी लढा देत आहेत. प्रत्येक जण त्यांच्यासोबत उभा आहे. मी पण इथेच आहे. आमच्या सर्वांची एकजूट आहे. आता आम्ही सर्वकाही तालिबानवर सोडलं आहे. जर त्यांना लढाई हवी असेल लढाई होईल. जर त्यांना शांततापूर्वक चर्चा करायची असेल तर चर्चा होईल”, असंही त्यांनी पुढे सांगितलं.