साप चावल्यावर रुग्णालयात जाताना पोलिसांनी पकडलं; मद्यपानाचा आरोप ठेवून लाच मागितली, रुग्णाचा वाटेतच मृत्यू

प्रकरण काय आहे?

कैमूर जिल्ह्यातील तरुणाला सापाचा दंश झाल्यानंतर तो घाईघाईत रुग्णालयात जात होता. मात्र पोलिसांनी गस्तीवर असताना त्याला पकडलं. बिहारमध्ये मद्यबंदी आहे. त्यामुळे अवैधपणे मद्यपान केलेल्या लोकांना शिक्षा दिली जाते. या तरुणालाही पोलिसांनी ताब्यात घेतले आणि दोन हजारांची लाच मागितली. तरुणाने आपल्या भावाला फोन करून बोलावून घेतले. तीन तासांनी त्याचा मोठा भाऊ आला आणि त्याने ७०० रुपये देऊन कशीबशी त्याची सोडवणूक करून घेतली. दरम्यान उपविभागीय पोलीस अधिकारी शिवशंकर कुमार यांनी मात्र पोलिसांनी लाच घेतल्याचा आरोप फेटाळून लावला.

आणखी वाचा

पुणे: खडकीत दोघा तरुणांवर कोयत्याने वार

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

चेंबूरमध्ये पालिकेने खोदलेल्या खड्यात पडून इसमाचा मृत्यू, कंत्राटदाराविरोधात गुन्हा दाखल

जन्मदात्या आईकडूनच मुलाची हत्या

“मर्द को भी दर्द होता है!” आत्महत्येआधीचा अतुलचा तासभराचा ‘तो’ व्हिडिओ व्हायरल; पत्नी आणि सासरच्यांवर गंभीर आरोप

व्हिडिओ: अत्यंत विषारी मण्यार सापांची थरकाप उडवणारी झुंज

“अपघातात वडील वारले अन्…” चिमुकल्याने सांगितली व्यथा; विद्यार्थ्यांसह शिक्षकही रडले, पाहा VIRAL VIDEO

मुंबई : रेबीजमुळे आणखी एका कोल्ह्याचा मृत्यू, तीन महिन्यांतील कोल्ह्याच्या मृत्यूची तिसरी घटना

हे वाचा >> तरुणानं सापाचा दोनदा चावा घेतला आणि सापाचा झाला मृत्यू, नेमकं काय घडलं?

कैमूरचे पोलीस अधीक्षक ललित मोहन शर्मा म्हणाले की, या प्रकरणाच्या चौकशीचे आदेश देण्यात आले आहेत. तीन दिवसात चौकशीचा अहवाल सादर केला जाईल. जर संबंधित पोलीस दोषी आढळले तर त्यांच्याविरोधात कारवाई करण्यात येईल. दुसरीकडे रामलखन प्रसादच्या कुटुंबियांनी सांगितले की, छनीपूर पोलीस ठाण्याच्या हद्दीत मोडत असलेल्या गावातील शेतात रामलखन काम करत असताना त्याला साप चावला.

कुटुंबियांनी केले धक्कादायक आरोप

यानंतर रामलखन जवळच्या रुग्णालयात धावत जात होता. मात्र गस्तीवर असलेल्या पोलिसांनी त्याला अडवलं. त्याने अवैधपणे मद्यपान केले असल्याचा त्याच्यावर आरोप ठेवण्यात आला. रामलखनच्या भावानं सांगितलं की, तो पोलिसांकडे विनवणी करत होता. मात्र पोलिसांनी काहीही न ऐकता त्याच्याकडे दोन हजार रुपये मागितले. त्यात तीन तास वाया गेले, ज्यामुळे माझ्या भावाचा जीव गेला.

हे ही वाचा >> Video: एका वर्षाच्या मुलाने खेळणं समजून सापाला चावलं; पुढे झाला अनर्थ, डॉक्टरही हैराण

भावाने पुढे म्हटले की, जेव्हा मला रामलखनचा फोन आला तेव्हा मीही शेतात काम करत होतो. मी कसेबसे ७०० रुपये गोला केले आणि रामलखन असलेल्या ठिकाणी सायकलवर पोहोचलो. पोलिसांना पैसे देऊन मी रामलखनला घेऊन जवळच्या सरकारी रुग्णालयात पोहोचलो. मात्र तिथे पोहोचताक्षणीच रामलखन जमिनीवर कोसळला आणि त्याचा मृत्यू झाला.