नीतिशकुमार यांच्यावर वाढत्या वयाचा परिणाम : प्रशांत किशोर

नीतिशकुमार यांनी नुकतेच प्रशांत किशोर यांच्यावर टीका करताना म्हटले होते, की किशोर यांनी एकदा आपल्याला संयुक्त जनता दल (जदयू) काँग्रेसमध्ये विलीन करण्याचा सल्ला दिला होता. ते भाजपसाठी काम करत आहेत. सध्या बिहारच्या साडेतीन हजार किलोमीटरच्या पदयात्रेत असलेल्या किशोर यांनी यावर प्रतिक्रिया देताना सांगितले, की हळूहळू वाढत्या वयाचा प्रभाव नीतिशकुमारांवर दिसू लागला आहे. तो धास्तावलेले दिसतात. किशोर यांनी नीतिशकुमार यांच्यासह व्यावसायिकरीत्या व त्यांच्या पक्षात सहभागी होऊनही काम केले आहे.