केरळ विमान अपघात : राफेलची जबाबदारी असलेल्या स्क्वॉड्रनमध्ये कार्यरत होते कॅप्टन दीपक साठे

कॅप्टन दीपक साठे हे पुण्यातील राष्ट्रीय संरक्षण प्रबोधिनीच्या (एनडीए) ५८व्या तुकडीचे विद्यार्थी होते. त्यानंतर सन १९८१ मध्ये हैदराबादमधील एअर फोर्स अकॅडमीमधून ‘स्वर्ड ऑफ ऑनर’ पटकावत उत्तीर्ण होऊन ते बाहेर पडले. त्यानंतर त्यांनी भारतीय हवाई दलात पायलट म्हणून सेवा बजावली. दरम्यान, त्यांनी मिग-२१ या लढाऊ विमानाचंही उड्डाण केलंय, अशी माहिती निवृत्त एअर मार्शल भूषण गोखले यांनी दिली. टाइम्स नाऊ न्यूजने याबाबत वृत्त दिलं आहे. कॅप्टन साठे यांना बोईंग ७३७-८०० हे विमान चालवण्याचा अनुभव होता. नुकतेच त्यांनी एअरबस ए-३१० हे विमानही उडवले होते.

आणखी वाचा

मुंबई विमानतळावरून पावणेतीन कोटींचे सोने जप्त, दोन कर्मचाऱ्यांना अटक

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

खेड परशुराम घाटात दाट धुक्यामुळे चार वाहनांचा विचित्र अपघात; वाहनांचे मोठे नुकसान तर जीवितहानी टळली

पुणे: विधानसभा निवडणुकीच्या पार्श्वभूमीवर सराइतांकडून चार पिस्तुले जप्त, पोलिसांकडून तिघे अटकेत

ट्रम्प यांच्या हत्येचा कट इराणनेच रचला होता? या संदर्भात अटक झालेला फरहाद शकेरी कोण आहे?

दखल: बायजाबाई यांच्या कर्तृत्वाचा आढावा

पंतप्रधानांच्या दौऱ्यानिमित्त ड्रोन, पॅराग्लायडर उड्डाणास बंदी; आदेशाचा भंग केल्यास कारवाईचा इशारा

पाम बीच मार्गावरील अपघातात एक ठार, दोन गंभीर जखमी

आणखी वाचा- केरळ विमान अपघात : १७ जणांचा मृत्यू; AAIB करणार तपास

राफेल विमानं ही अंबाला एअरबेसवरील ‘गोल्डन अ‍ॅरोज १७’ स्क्वॉड्रनचा भाग असणार आहेत. १९९९ साली झालेल्या कारगील युद्धामध्ये माजी हवाई दलप्रमुख धनोआ हे या स्वाड्रनचे नेतृत्व करीत होते. या स्क्वॉड्रनची स्थापना १९५१ साली करण्यात आली आहे. सर्वात आधी या स्क्वॉड्रन अंतर्गत दी हॅवलॅण्ड व्हॅम्पायर एफ एमके ५२ फायटरजेट विमानांनी उड्डाण केलं होतं. भटिंडा एअरबेसवरील कारभार हळूहळू बंद करण्यात आला. २०१६ साली रशियन बनावटीची मिग २१ विमानांचा वापर भारतीय हवाई दलाकडून कमी प्रमाणात करण्याचा निर्णय घेण्यात आल्यानंतर येथील स्कवाड्रनचेही काम थांबवण्यात आलं.

आणखी वाचा- केरळ विमान अपघात : टेबलटॉप रनवे म्हणजे काय? का मानला जातो हा रनवे धोकादायक?

काय घडलं केरळमध्ये?

केरळ विमान दुर्घटनेत १४ प्रवाशांचा मृत्यू झाला. तर १२३ जण जखमी झाले आहेत. केरळच्या कोझिकोड इथल्या विमानतळावर शुक्रवारी (दि.७) रात्री ८ च्या सुमारास एअर इंडियाचं एक विमान लँड झालं. विमान धावपट्टीवर असतानाच हे विमान घसरलं आणि छोट्या दरीत पडलं. या भीषण अपघातात १४ जणांचा मृत्यू झाला. १२३ जण किरकोळ जखमी तर १५ जण गंभीर जखमी झाले आहेत. ही दुर्घटना घडताच तातडीने त्या ठिकाणी अग्निशमन दलाचे जवान, रुग्णवाहिका यांच्यासह मदत आणि बचावकार्य सुरु करण्यात आलं.