‘रेड’ चित्रपटात काम केलेल्या ‘या’ अभिनेत्रीचे निधन

त्यांनी ‘फेवीक्विक’च्या जाहीरातीमध्ये देखील काम केले होते. या जाहिरातीनंतर त्या ‘स्वॅग वाली दादी’ म्हणून लोकप्रिय झाल्या होत्या. काही दिवसांपूर्वी पुष्पा त्यांच्या घरात पाय घसरुन पडल्याचे म्हटले जात होते. त्यानंतर त्यांना रुग्णालयात दाखल करण्यात आले होते.

‘रेड’ चित्रपटाचे दिग्दर्शक राज कुमार गुप्ता यांनी ट्विटरद्वारे या दु:खद घटनेची माहिती दिली आहे. राज कुमार गुप्ताने पुष्पा जोशी यांच्यासोबतचा फोटो शेअर करत लिहिले, ‘पुष्पा जोशी यांच्या निधनाची बातमी ऐकून मला फार दु:ख झाले. माझ्या ‘रेड’ चित्रपटात तुम्हाला भूमिका साकारताना पाहणे माझ्यासाठी फार महत्त्वाचे होते.’ त्यानंतर अभिनेत्री काजोलने देखील पुष्पा यांचा व्हिडीओ शेअर करत श्रद्धांजली वाहिली आहे.