Ban alcohol in Goa : गोवा हे नाव जरी ओठावर आलं तर अनेकांच्या नजरेसमोर येतो उधाणलेला समुद्र आणि बाटलीतून फेसाळत बाहेर पडणारे मद्य. गोवा म्हणजे मजा, मस्ती आणि मद्य, असे समीकरण गोव्यात जाणाऱ्या प्रत्येकाचे असते. गोव्यात येऊन नुसता धिंगाणा करायचा, असं प्रत्येकाला वाटतं. मात्र गोव्यातल्या लोकप्रतिनिधिंना आता असं वाटत नाही. गोवा विधानसभेचे पावसाळी अधिवेशन सध्या सुरू आहे. यामध्ये सत्ताधारी आणि विरोधक आपापले मुद्दे रेटत असताना भाजपाचे आमदार प्रेमेंद्र शेट यांनी मद्यबंदीची मागणी लावून धरली आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

एएनआय या वृत्तसंस्थेशी बोलत असताना प्रेमेंद्र शेट यांनी आपली भूमिका सविस्तर मांडली. ते म्हणाले, “गोव्यामध्ये गेल्या काही वर्षात मद्याच्या आहारी गेलेल्या तरुणांची संख्या वाढली आहे. मद्य सेवनामुळे काही जणांचा मृत्यू ओढवला आहे. हे सर्व थांबविण्यासाठी मी मद्यबंदीची मागणी सरकारकडे केली. गोव्यात पर्यटक केवळ मद्यासाठी येत नाहीत. तर येथील सौंदर्य पाहण्यासाठीही अनेक पर्यटक येतात.”

आणखी वाचा

हे वाचा >> गोव्यातील ‘सनबर्न फेस्टिवल’वर बंदी? स्थानिकांपासून राजकीय नेत्यांपर्यंत सर्वांचा या महोत्सवाला विरोध का?

प्रेमेंद्र शेट म्हणाले की, विकसित भारत आणि विकसित गोवा यासाठी गोव्यात संपूर्णपणे मद्यबंदी करायला हवी. आपण गोव्यात मद्य उत्पादन करून इतर राज्यात त्याची विक्री करू शकतो. मात्र गोव्यात मद्य घेण्यास बंदी केली पाहीजे. उत्तर गोव्यातील मायेम विधानसभेतून पहिल्यांदाच निवडून आलेल्या प्रेमेंद्र शेट यांनी आला मुद्दा समजावून सांगताना गोव्यात मद्यपानामुळे होणाऱ्या अपघातांचा दाखला दिला.

सत्ताधाऱ्यांचाही मद्यबंदीला विरोध

दरम्यान सभागृहात आमदार शेट यांनी ही मागणी करताच सभागृहात उपस्थित आमदारांमध्ये हशा पिकला. गोव्यात मद्य उत्पादन करावे आणि त्याची विक्री इतर राज्यात करावी, अशीही मागणी शेट यांनी केली. दुसरीकडे शेट यांच्या मागणी सत्ताधारी आमदारांनीच फारसा प्रतिसाद दिला नाही. तसेच अपक्ष आमदार रेजिनाल्ड लॉरेन्स यांनी विरोध करताना सांगितले की, मद्यबंदी लागू करण्यापेक्षा मद्य सेवनासंबंधी काही नियम सरकारने लागू करायला हवेत.

गोव्यातील हॉटेल व्यवसाय बंद करावा का?

तसेच भाजपाच्या महिला आमदार डेलीलाह लोबो यांनीही शेट यांच्या मागणीचा विरोध केला. माध्यमांशी बोलत असताना त्या म्हणाल्या, “शेट यांना गोव्यातील रेस्टाँरंटचा व्यवसाय बंद करायचा आहे का? गोव्यात पर्यटक मोठ्या संख्येने येतात, त्याला मद्य हाही एक घटक कारणीभूत आहे. मद्यबंदी करून आपण काय साध्य करणार आहोत. आपण हॉटेल व्यवसायही बंद करून टाकावा का?” आमदार डेलीलाह लोबो आणि त्यांचे पती आमदार मायकल लोबो (कलंगुट) यांचा गोव्यात हॉटेल व्यवसाय आहे.

एएनआय या वृत्तसंस्थेशी बोलत असताना प्रेमेंद्र शेट यांनी आपली भूमिका सविस्तर मांडली. ते म्हणाले, “गोव्यामध्ये गेल्या काही वर्षात मद्याच्या आहारी गेलेल्या तरुणांची संख्या वाढली आहे. मद्य सेवनामुळे काही जणांचा मृत्यू ओढवला आहे. हे सर्व थांबविण्यासाठी मी मद्यबंदीची मागणी सरकारकडे केली. गोव्यात पर्यटक केवळ मद्यासाठी येत नाहीत. तर येथील सौंदर्य पाहण्यासाठीही अनेक पर्यटक येतात.”

आणखी वाचा

हे वाचा >> गोव्यातील ‘सनबर्न फेस्टिवल’वर बंदी? स्थानिकांपासून राजकीय नेत्यांपर्यंत सर्वांचा या महोत्सवाला विरोध का?

प्रेमेंद्र शेट म्हणाले की, विकसित भारत आणि विकसित गोवा यासाठी गोव्यात संपूर्णपणे मद्यबंदी करायला हवी. आपण गोव्यात मद्य उत्पादन करून इतर राज्यात त्याची विक्री करू शकतो. मात्र गोव्यात मद्य घेण्यास बंदी केली पाहीजे. उत्तर गोव्यातील मायेम विधानसभेतून पहिल्यांदाच निवडून आलेल्या प्रेमेंद्र शेट यांनी आला मुद्दा समजावून सांगताना गोव्यात मद्यपानामुळे होणाऱ्या अपघातांचा दाखला दिला.

सत्ताधाऱ्यांचाही मद्यबंदीला विरोध

दरम्यान सभागृहात आमदार शेट यांनी ही मागणी करताच सभागृहात उपस्थित आमदारांमध्ये हशा पिकला. गोव्यात मद्य उत्पादन करावे आणि त्याची विक्री इतर राज्यात करावी, अशीही मागणी शेट यांनी केली. दुसरीकडे शेट यांच्या मागणी सत्ताधारी आमदारांनीच फारसा प्रतिसाद दिला नाही. तसेच अपक्ष आमदार रेजिनाल्ड लॉरेन्स यांनी विरोध करताना सांगितले की, मद्यबंदी लागू करण्यापेक्षा मद्य सेवनासंबंधी काही नियम सरकारने लागू करायला हवेत.

गोव्यातील हॉटेल व्यवसाय बंद करावा का?

तसेच भाजपाच्या महिला आमदार डेलीलाह लोबो यांनीही शेट यांच्या मागणीचा विरोध केला. माध्यमांशी बोलत असताना त्या म्हणाल्या, “शेट यांना गोव्यातील रेस्टाँरंटचा व्यवसाय बंद करायचा आहे का? गोव्यात पर्यटक मोठ्या संख्येने येतात, त्याला मद्य हाही एक घटक कारणीभूत आहे. मद्यबंदी करून आपण काय साध्य करणार आहोत. आपण हॉटेल व्यवसायही बंद करून टाकावा का?” आमदार डेलीलाह लोबो आणि त्यांचे पती आमदार मायकल लोबो (कलंगुट) यांचा गोव्यात हॉटेल व्यवसाय आहे.