इंडिया आघाडीची स्थापना झाल्यानंतर भाजपाला कडवी टक्कर देण्याची भाषा काँग्रेस आणि इतर घटक पक्षांनी वापरली होती. मात्र निवडणूक जशी जशी जवळ येत आहे, तसे अनेक पक्ष स्वबळावर लढण्याची घोषणा करत आहेत. नितीश कुमार यांनी तर बिहारमध्ये पुन्हा एकदा भाजपाशी हातमिळवणी करण्याचा निर्णय घेतल्याचे बोलले जाते. दोन दिवसांनी त्यांचा भाजपाबरोबर शपथविधी पार पडल्यानंतर यावर शिक्कामोर्तब होऊ शकेल. तर पश्चिम बंगालमध्ये तृणमूलच्या ममता बॅनर्जी आणि पंजाबमध्ये आम आदमी पक्षाने स्वबळावर लोकसभा निवडणूक लढविण्याची घोषणा केली आहे. त्यानंतर आता इतर राज्यातील प्रादेशिक पक्षही काँग्रेसला कोंडीत पकडण्याचा प्रयत्न करत आहेत. उत्तर प्रदेशमध्ये लोकसभेच्या सर्वाधिक ८० जागा आहेत. याठिकाणी समाजवादी पक्षाने काँग्रेसला ११ जागा देऊ केल्या आहेत. समाजवादी पक्षाचे प्रमुख अखिलेश यादव यांनी एक्स अकाऊंटवर याची घोषणा केली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
