‘डॉ. बाबासाहेब आंबेडकर इस्लाम स्वीकारण्यास तयार होते’, काँग्रेसच्या माजी आमदाराच्या विधानामुळं खळबळ

सईद आझमपीर खादरी एवढ्यावरच थांबले नाहीत. ते पुढे म्हणाले, आज जे प्रमुख दलित नेते आहेत, त्यांचीही नावे ही इस्लाम धर्मावरून पडली असती. जसे की, आर.बी. थिम्मापूर हे कदाचित रहीम खान झाले असते. डॉ. जी. परमेश्वर हे कदाचित पीर साहब, एल. हनुमंता हे कदाचित हसन साहब आणि मंजुनाथ थिम्मापूर हे कदाचित बडोसाहब या नावाने ओळखले गेले असते.

दलित आणि मुस्लीम समुदायामध्ये ऐतिहासिक असे नाते असल्याचेही सईद यांनी पुढे सांगितले. मुस्लिम दर्गा आणि दलित समाजाची प्रार्थना स्थळे यात साधर्म्य असल्याचेही त्यांनी म्हटले. सईद खादरी यांचे हे विधान सोशल मीडियावर वेगाने व्हायरल झाले आहे. यानंतर काँग्रेसने मात्र या विधानापासून हात झटकले आहेत. खादरी यांना काँग्रेसने तिकीट नाकारले होते. त्यामुळे ते आता अपक्ष म्हणूनही निवडणूक लढवत आहेत.

खादरी यांचे विधान व्हायरल होताच भाजपाने खादरी आणि काँग्रेसवर जोरदार टीक केली आहे. तसेच खादरी यांना आंबेडकरांच्या इतिहासाबाबत फारशी माहिती नसल्याचा आरोप भाजपाने केला आहे.