दहशतवाद्यांवर कारवाई न केल्यास पाकिस्तान एकाकी पडेल- अमी बेरा

पाकिस्तानचे पंतप्रधान इमरान खान यांनी दहशतवाद्यांवर कारवाई करण्यास सुरूवात केली तर अमेरिका त्यांच्या पाठीशी राहील, असे सांगून ते म्हणाले,की त्यांनी दहशतवाद्यांवर कारवाई केली तरच अर्थव्यवस्था सुधारण्यास मदत होईल. ‘टाइम फॉर पाकिस्तान टू चार्ट न्यू कोर्स’ या लेखात त्यांनी म्हटले आहे, की भारतीय हवाई दलाचे वैमानिक अभिनंदन वर्धमान यांना सोडून देऊन पाकिस्तानने योग्य कृती केली आहे. त्यामुळे संघर्ष चिघळण्याचे टळले. पंतप्रधान इम्रान खान यांनी या संधीचा फायदा घेऊन अमेरिकेशी संबंध सुधारावेत, पण त्यासाठी त्यांना दहशतवाद्यांवर कारवाई करणे आवश्यक आहे. पाकिस्तानने अनेक दहशतवादी संघटनांवर बंदी घालून ५ मार्चला कारवाई केली, पण त्यांच्या कारवाया सुरूच आहेत. त्यामुळे पाकिस्तान आंतरराष्ट्रीय पातळीवर एकटा पडत चालला आहे.