“अमूल जैसा कोई नहीं!”, गुजरातमध्ये नरेंद्र मोदींचं विधान चर्चेत, तर आव्हाडांचा ‘महानंद’बाबत मोठा दावा!

नरेंद्र मोदी स्टेडिअममध्ये या भव्य कार्यक्रमाचे आयोजन करण्यात आले होते. या कार्यक्रमात राज्यातील अनेक शेतकरी उपस्थित होते. या मेळाव्याला संबोधित करताना पंतप्रधान नरेंद्र मोदी म्हणाले की, भारताच्या स्वातंत्र्यानंतर देशात अनेक दूधांचे ब्रॅण्ड्स उदयाला आले. परंतु, अमूलसारखा दुसरा कोणताच ब्रॅण्ड नाही. अमूल ही पशुपालकांची ओळख बनली आहे. अमूल म्हणजे विश्वास, अमूल म्हणजे विकास, अमूल म्हणजे लोकसहभाग, अमूल म्हणजे शेतकरी सबलीकरण, अमूल म्हणजे आत्मनिर्भर भारताची प्रेरणा, अमूल म्हणजे मोठी स्वप्ने, मोठे संकल्प आणि मोठी उपलब्धी.

आणखी वाचा

काँग्रेसची सत्ता असलेली राज्ये शाही परिवाराचे ‘एटीएम’; अकोल्यातील प्रचारसभेत पंतप्रधान मोदींची टीका

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

मोदींच्या सभेसाठी अकोल्यात जय्यत तयारी; काय बोलणार याकडे लक्ष?

अमरावती जिल्ह्यात महाविकास आघाडी, महायुतीसमोर अस्तित्व राखण्‍याचे आव्‍हान

मुख्यमंत्र्यांसाठीचे सामोसे खाल्ले कुणी? CID करतेय चौकशी; राज्यभर त्याचीच चर्चा!

भेसळयुक्त खाद्यपदार्थांचा लाखोंचा बाजार! पुणे विभागात दसरा, दिवाळीत अन्न व औषध प्रशासनाची कारवाई

Canada : चिथावणीखोर वक्तव्याबद्दल कॅनडातील ब्रॅम्प्टनमधील हिंदू मंदिराच्या पुजाऱ्याची हकालपट्टी

पंतप्रधानांच्या सभेसाठी गर्दी जमविण्याचे नियोजन, तपोवनातील मैदानावर जय्यत तयारी

ते पुढे म्हणाले, दूरदृष्टीने घेतलेल्या निर्णयांनी भावी पिढ्यांचे नशीब कसे बदलले जाते याचे अमूल एक उदाहरण आहे. आज सरकार सहकार समन्वयाचे एक अनुकरणीय मॉडेल आहे. अशा प्रयत्नांमुळेच आज आपण सर्वांत मोठा दूध उत्पादक देश आहोत.

सुवर्ण महोत्सवानिमित्त अहमदाबादेत अमूलने आयोजित केलेल्या प्रदर्शनालाही पंतप्रधानांनी भेट दिली. राज्याच्या विविध भागांतून मोठ्या संख्येने शेतकऱ्यांचा सहभाग असलेले अनेक सांस्कृतिक कार्यक्रमही यावेळी आयोजित करण्यात आले होते.

जितेंद्र आव्हाडांचा महानंदरवरून टोला

दरम्यान, आज राष्ट्रवादी काँग्रेसचे आमदार जितेंद्र आव्हाड यांनीही एक एक्स पोस्ट केली आहे. त्यानुसार, महानंद गुजरातला विकले असल्याचा दावा त्यांनी केला आहे. “मुद्दामहून रात्री ट्वीट करीत आहे. उद्या सकाळीच महानंद डेअरीत जा, डेअरीतून दूध विकत घ्या.. देवाला दुधाचा अभिषेक करा, गोड शिरा करा, जेवढं शक्य असेल तेव्हढं गोडधोडही करा… आता हे काय नवीन सांगतो आहे, असं म्हणाल! हे सांगण्याचं कारण म्हणजे, महानंद आता गुजरातला विकलेय! जय हो, महानंद की!”

दरम्यान, देशातील विविध राज्यांत दूध कंपन्यांचे वाद सुरू आहेत. गुजरातच्या अमूल ब्रॅण्डने देशभरातील अनेक राज्यात आपले हातपाय पसरले असल्याने राज्यातील स्थानिक दूध कंपन्यांनी याविरोधात एल्गार पुकारला आहे. कर्नाटकातील नंदिनी दूध कंपनीनेही अमूलविरोधात शड्डू ठोकला होता. तर, महाराष्ट्रातही महानंद या स्थानिक दूध कंपनीची अमूलबरोबर मोठी स्पर्धा आहे.