जम्मू काश्मीरमध्ये ४ दहशतवाद्याचा खात्मा

शोपिया जिल्ह्याच्या कपरान बटागुंड क्षेत्रात सुरक्षा रक्षकांना दहशतवादी लपून बसल्याची माहिती मिळाली होती. त्यानंतर जवानांना तत्काळ शोधमोहिम सुरु केली होती. त्यानंतर दोन्ही बाजूंनी झालेल्या गोळीबारानंतर या परिसराची नाकाबंदी करण्यात आली आहे. या कारवाई ४ दहशतवाद्यांना ठार करण्यात जवानांना यश आले आहे. अद्यापही येथे चकमक सुरु असल्याचे सुत्रांकडून कळते.

शुक्रवारीच शोपियामध्ये काही अज्ञात बंदुकधाऱ्या लोकांनी एका माजी विशेष पोलीस अधिकाऱ्यासह (एसपीओ) तीन लोकांचे अपहरण केले होते. तर गेल्याच आठवड्यात दक्षिण काश्मीरमध्ये सुरक्षा रक्षकांचे खबरी असल्याच्या संशयावरुन दोन लोकांची हत्या केली होती.