आदिवासीवर लघुशंकाप्रकरणी आंध्रमध्ये सहा जणांना अटक

विजयवाडा : आंध्र प्रदेशातील प्रकाशम जिल्ह्यातील ओंगोल येथे एका मुलीशी कथित प्रेमसंबंधांच्या कारणावरून एका आदिवासी तरुणावर लघुशंका केल्याच्या आरोपावरून सहा जणांना अटक करण्यात आली. पोलिसांनी सांगितले की, मोटा नवीन याला १९ जून रोजी मन्नम रामंजनेयुलु आणि इतर आठ जणांनी मारहाण केली आणि त्याच्यावर लघुशंका केल्याचा आरोप आहे. यातील दोन आरोपी अल्पवयीन आहेत, तर रामंजनेयुलु हा फरार आहे. रमांजनेयुलू आणि नवीन हे मित्र होते. परंतु नवीनचे रामंजनेयुलुच्या मित्राच्या ओळखीच्या मुलीशी संबंध असल्याने या दोघांत भांडण झाले. नवीन हा संबंधित तरुणीसह पळून गेला होता. त्यामुळे रामंजनेयुलु आणि त्याचे मित्र संतप्त झाले होते. त्यांनी नवीनवर हल्ला केला आणि त्याच्यावर लघुशंकाही केली.