उत्तर प्रदेशात पुन्हा रेल्वेचा अपघात घडवण्याचा प्रयत्न; कानपूरजवळ रेल्वे रुळावर आढळले गॅस सिलिंडर; एका महिन्यातली पाचवी घटना

टाईम्स ऑफ इंडियाने दिलेल्या वृत्तानुसार, कानपूर सेंट्रल आणि फत्तेपूरदरम्यान प्रेमपूर हे छोटेसे रेल्वे स्थानक आहे. या रेल्वे स्थानकापासून काही मीटर दूर रेल्वे रुळावर सिलिंडर आढळून आलं आहे. आज सकाळी पाच वाजताच्या सुमारास या रुळावरून जाणाऱ्या मालगाडीच्या चालकाच्या ही बाब लक्षात आली. यावेळी त्याने आपातकालीन ब्रेक लावले. त्यामुळे मालगाडीचा अपघात टळला.

आणखी वाचा

कोकण मार्गावरील एक्सप्रेसला जोडले जाणार एलएचबी डबे, प्रवाशांच्या सुरक्षेत होणार भर

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

नवरा-बायकोतील भांडण अन् रेल्वेचे तीन कोटींचे नुकसान! OK मुळे चुकीच्या स्थानकावर पोहोचली ट्रेन; नेमकं घडलं काय? वाचा…

एसी ट्रेनचं तिकीट काढताय? मुंबईतल्या रेल्वे स्टेशनवरचा ‘हा’ VIDEO पाहून धडकी भरेल; पाहा नेमकं काय घडलं?

दारू पिताना झालेल्या वादातून मजुराचा खुनाचा प्रयत्न, भिडे पूल परिसरातील घटना

“तुम्हाला सगळचं फ्री पाहिजे का…” भर ट्रेनमध्ये टीटीने पोलिसाला फटकारले; VIDEO पाहून युजर्सचा संताप

विधानसभा निवडणुकीच्या पार्श्वभूमीवर दक्षिण मुंबईत कारवाई ; सव्वा दोन कोटींची रोख जप्त

विनातिकीट प्रवाशांकडून ८० कोटींची दंडवसुली; सात महिन्यांतील पश्चिम रेल्वेची कारवाई

हेही वाचा – कालिंदी एक्सप्रेसचा अपघात घडवून आणण्याचा कट? कानपूरमध्ये रेल्वे रुळावर सापडला गॅस सिलिंडर, थोडक्यात अनर्थ टळला

या घटनेची माहिती मालगाडीच्या चालकाने रेल्वेच्या गार्डला, तसेच स्टेशन मास्टर आणि रेल्वे पोलिसांना दिली. त्यानंतर अधिकाऱ्यांनी तत्काळ घटनास्थळी दाखल होत पाहणी केली असता, त्यांना रुळावर लाल रंगाचे ५ लिटरचे खाली सिलिंडर आढळून आले. यासंदर्भात बोलताना, अशा प्रकारचे सिलिंडर घरघुती वापरात किंवा मुलांच्या वसतीगृहात वापरले जातात. हे सिलिंडर आम्ही जप्त केले असून या प्रकरणाचा तपास सुरु केला आहे. अशी माहिती जीआरपीचे एसएचओ ओम नारायण सिंह यांनी दिली.

दरम्यान, गेल्या काही दिवसांपूर्वी वारंवार अशाप्रकारच्या घटना घडत आहेत. १० सप्टेंबर रोजी रेल्वे रुळावरून गॅस सिलिंडर ठेऊन कालिंदी एक्सप्रेस रुळावरून खाली उतरवण्याचा प्रयत्न करण्यात आला होता. ही एक्सप्रेस भिवानीवरून प्रयागराजच्या दिशेन जात होती. यादरम्यान, एक्सप्रेस शिवराजपुरा भागात येताच रेल्वे रुळावर सिलिंडर असल्याचे लोको पायलटच्या लक्षात आलं. त्यामुळे चालकाने इमर्जन्सी ब्रेक दाबले. पण त्यापूर्वीच एक्सप्रेसने सिलिंडरला धडक दिली होती. त्यामुळे सिलिंडर रेल्वे रुळाच्या बाजुला जाऊन पडले आणि मोठा अनर्थ टळला होता.

हेही वाचा – Durg News : दोन मित्र रेल्वे रुळावर बसून मोबाईलवर खेळत होते व्हिडीओ गेम; ट्रेन आली अन् घडली धक्कादायक घटना

याशिवाय १६ ऑगस्ट रोजी कानपूर झांसी मार्गावरही अशाच प्रकारची घटना घडली होती. त्यावेळी साबरमती एक्सप्रेसचे २० डबे रुळावरून खाली घसरले होते. या घटनेत काही जण जखमी झाले होते. या घटनेच्या एका आठवड्यानंतर २३ ऑगस्ट रोज कांसगंज रेल्वेमार्गावरही लाकडं ठेवण्यात आली होती. तेव्हाही मोठी दुर्घटना टळली होती. याप्रकरणी दोघांना अटकही करण्यात आली होती. दोघांनी दारुच्या नशेत रेल्वे रुळावर लाकडं ठेवल्याचे कबूल केलं होतं. त्यानंतर १६ सप्टेंबर रोजी पहाटे कानपूरमध्ये रेल्वे रुळावर लाकडं ठेवण्यात आली होते. त्यामुळे दिल्लीकडे जाणाऱ्या स्वतंत्र सेनानी एक्स्प्रेसला बराच काळ थांबवून ठेवण्यात आलं होतं. १८ सप्टेंबर रोजीही गाझीपूर घाट आणि गाझीपूर सिटी रेल्वे स्थानकादरम्यान तीन जणांनी रेल्वे रुळावर खडी टाकली होती.