Afghanistan Earthquake : अफगाणिस्तान पुन्हा हादरलं, चार दिवसांत चौथा भूकंप, मृतांची संख्या २,५०० वर

Earthquake in Afghanistan : अफगाणिस्तानच्या हेरात प्रातांत चार दिवसांपूर्वी भूकंपाचे धक्के बसले होते.

अफगाणिस्तानातील भूकंपबळींची संख्या २,५०० वर गेली आहे. (PC : AP)

भारताचा शेजारी देश अफगाणिस्तानमध्ये शनिवारी (७ ऑक्टोबर) ६.३ रिश्टर स्केल तीव्रतेच्या भूकंपाचे धक्के बसले. या भूकंपात मोठ्या प्रमाणात जिवीतहानी झाली असून मालमत्तेचंही प्रचंड नुकसान झालं आहे. या नैसर्गिक आपत्तीमुळे अफगाणिस्तानमधील तालिबान सरकारची धांदल उडाली आहे. या धक्क्यातून अफगाणिस्तान अद्याप सावरलेला नाही, तोच चार दिवसात अफगाणिस्तानमध्ये आणखी एक भूकंप झाला. पश्चिम अफगाणिस्तान ६.३ रिश्टर स्केल तीव्रतेच्या भूकंपाने हादरला आहे. जमिनीखाली १० किलोमीटर खोल या भूकंपाचं केंद्र होतं, असं सांगण्यात आलं आहे.

अफगाणिस्तानच्या हेरात प्रांतात शनिवारी आलेल्या भूंकपात २,५०० हून अधिक लोकांचा बळी गेला आहे. तर हजारो नागरिक जखमी झाले आहेत. गेल्या शनिवारी अफगाणिस्तानमध्ये भूकंपाचे तीन धक्के बसले. या तिन्ही भूकंपांची तीव्रता ६.३, ५.९ आणि ५.९ रिश्टर स्केल इतकी होती. या भूकंपात अनेक गावं भुईसपाट झाली आहेत. शेकडो नागरिक मातीच्या ढिगाऱ्याखाली गाडले गेले आहेत. शेकडो घरं जमीनदोस्त झाली आहेत. तर हजारो घरांची अंशतः पडझड झाली आहे.

आणखी वाचा

‘या’ किल्ल्यावरील अंडाकृती खडकाखाली दडलंय काय?

Nana Patole : निकालाआधी राजकीय घडामोडींना वेग; यातच…

पुणे : शहरात वेगवेगळ्या अपघातात तिघांचा मृत्यू

Action by the Mumbai Board of MHADA in the case of extortion of Rs 5000 from the mill workers Mumbai print news

गिरणी कामगारांकडून पाच हजार रुपये उकळणे महागात; वांगणीतील विकासकाला कारणे दाखवा नोटीस, म्हाडाच्या मुंबई मंडळाकडून कारवाई

terrorist 44 killed during the year in jammu region

जम्मू विभागात दहशतवादी कारवायांत वाढ; वर्षभरात ४४ ठार

midc conversion land in thane belapur belt for residential complexes

नवी मुंबईच्या औद्योगिक पट्ट्यातीलही भूखंड खासगी विकासकाकडे!

jammu Kashmir Kishtwar district encounter

Jammu-Kashmir Encounter: दहशतवाद्यांशी झालेल्या चकमकीत एक जवान शहीद, तर तीन जवान जखमी

Khed Parshuram Ghat accident, Khed Parshuram Ghat,

खेड परशुराम घाटात दाट धुक्यामुळे चार वाहनांचा विचित्र अपघात; वाहनांचे मोठे नुकसान तर जीवितहानी टळली

हे ही वाचा >> Israel Hamas War : पॅलेस्टाईन नव्हे, ‘या’ देशात रचला इस्रायलवरील हल्ल्याचा कट, हमासला दोन देशांकडून मदत

तालिबान सरकारने म्हटलं आहे की गेल्या दोन दशकांमधील हा सर्वात मोठा भूकंप आहे. जिंदा जान प्रांतात भूकंपाने १२०० बळी घेतले आहेत. तर येथील भूकंपात १६०० हून अधिक लोक जखमी झाले आहेत. तसेच शेकडो नागरिक बेपत्ता असल्याचं सांगितलं जात आहे. तालिबान सरकारने दिलेल्या माहितीनुसार येथील २० गावांमधील तब्बल २००० घरं भुईसपाट झाली आहे. जून २०२२ मध्ये पूर्व अफगाणिस्तानात आलेल्या भूकंपात १,००० हून अधिक लोकांचा बळी गेला होता.

First published on: 11-10-2023 at 11:24 IST

Web Title: Another earthquake shakes part of western afghanistan over 2500 people dead asc