भारत-पाकिस्तान सीमेवर आणखी एक ड्रोन पाडले; दाट धुक्यामुळे सीमा सुरक्षा दलाकडून अधिक सतर्कता

बीएसएफच्या जवानांनी ‘ड्रोन’ला लक्ष्य करून जोरदार गोळीबार केला. ‘बीएसएफ’ प्रवक्त्याने सांगितले, की गुरुवारी सकाळी या भागात शोध घेतला असता शेतात एक ड्रोन कोसळलेला आढळला. याद्वारे शस्त्रे अथवा अमली पदार्थ परिसरात टाकण्यात आले अथवा नाही, याचा शोध सुरू आहे. चंडीगढ : दाट धुक्याच्या आच्छादनाचा गैरफायदा घेत ‘ड्रोन’द्वारे अमली पदार्थ आणि शस्त्रास्त्र तस्करीचे प्रयत्न वाढण्याची शक्यता लक्षात घेऊन ‘बीएसएफ’कडून पंजाबमधील भारत-पाकिस्तान सीमेजवळ विशेष सतर्कता बाळगण्यात येत असल्याचे एका अधिकाऱ्याने सांगितले. गेल्या काही दिवसांपासून सीमा भागात ‘ड्रोन’द्वारे तस्करीचे प्रमाण वाढले आहे. त्यामुळे तपासणी नाक्यांवरील गस्त वाढवण्यात आली आहे. ‘बीएसएफ’ जवान अधिक दक्षतेने गस्त घालत आहे. गेल्या वर्षभरात भारत-पाकिस्तान सीमेवर सुमारे दोनशेपेक्षा जास्त ‘ड्रोन’चा वावर नोंदवण्यात आला आहे.