सीमेपलीकडून भारतात घडविण्यात येणाऱ्या दहशतवादी कारवाया भारत शांतपणे पाहणार नाही, असे लष्कराने शुक्रवारी पाकिस्तानला खडसावले. उभय देशांमध्ये विश्वासाचे वातावरण वृद्धिंगत होण्यास पाकिस्तान सहकार्य करील, अशी अपेक्षाही भारताने व्यक्त केली आहे. सीमेपलीकडून येणारे दहशतवादी भारतात रक्तपात घडवून आणत आहेत आणि लष्करी पातळीवर आम्ही तुमच्याशी हातमिळवणी करू, अशी तुमची अपेक्षा आहे का, असा सवाल करून लष्करप्रमुख जन. विक्रमसिंग यांनी, हे शक्य नसल्याचे पाकिस्तानला खडसावले आहे.
दहशतवाद्यांवर आमचे नियंत्रण नाही, असे सांगून पाकिस्तान दुहेरी भूमिका घेत असल्याचा आरोपही विक्रमसिंग यांनी केला. एकीकडे सीमेपलीकडून दहशतवादी कारवाया घडत असताना दुसरीकडे परस्पर विश्वास निर्माण करण्याची भाषा करणे अयोग्य आहे. त्यामुळे प्रथम अशा प्रकारांना पायबंद घालावा आणि त्यानंतरच पुढील चर्चा होईल, असेही लष्करप्रमुख म्हणाले.
पाकिस्तानातील दहशतवाद्यांचा बंदोबस्त करण्याचे आश्वासन पाकिस्तानने दिल्यासच दोन्ही देशांमधील संबंधांमध्ये सुधारणा होऊ शकते, दुहेरी भूमिकेचा अवलंब केल्यास परस्पर विश्वास वृद्धिंगत होणार नाही, असेही ते म्हणाले.
दहशतवादाचा बंदोबस्त करा, अन्यथा विश्वासाचे वातावरण विसरा
सीमेपलीकडून भारतात घडविण्यात येणाऱ्या दहशतवादी कारवाया भारत शांतपणे पाहणार नाही, असे लष्कराने शुक्रवारी पाकिस्तानला खडसावले. उभय देशांमध्ये विश्वासाचे वातावरण वृद्धिंगत होण्यास पाकिस्तान सहकार्य करील, अशी अपेक्षाही भारताने व्यक्त केली आहे. सीमेपलीकडून येणारे दहशतवादी भारतात रक्तपात घडवून आणत आहेत आणि लष्करी पातळीवर आम्ही तुमच्याशी हातमिळवणी करू,
या बातमीसह सर्व प्रीमियम कंटेंट वाचण्यासाठी साइन-इन करा
या बातमीसह सर्व प्रीमियम कंटेंट वाचण्यासाठी साइन-इन करा
Already have an account? Sign in
First published on: 16-03-2013 at 01:47 IST
मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Army chief gen bikram singh accuses pak of bleeding india trashes talk of cbms
