लडाखमध्ये सैन्य माघारीची प्रक्रिया सुरू; पाच दिवसांचा कालावधी, अधिकाऱ्यांना सावधगिरीचे आदेश

नवी दिल्ली : लडाखच्या गोग्रा-हॉट स्प्रिंग भागातील भारत आणि चिनी सैन्याच्या माघारीची प्रक्रिया सुरू झाली आहे. ही सर्व प्रक्रिया पाच दिवस चालणार असून ती पाच टप्प्यांमध्ये पूर्ण केली जाईल. गलवानमधील अनुभव लक्षात घेता या संपूर्ण काळात कोणतीही अनुचित घटना घडू नये, यासाठी सावधगिरी बाळगण्याचे आदेश स्थानिक लष्करी अधिकाऱ्यांना देण्यात आल्याची माहिती सूत्रांनी दिली आहे.