हेरगिरी करीत असल्याच्या संशयावरून पूर्व पाकिस्तानातील लाहोर येथून दोन भारतीयांसह पाच जणांना ताब्यात घेण्यात आले आहे. या सर्वावर भारतासाठी पाकमध्ये हेरगिरी करीत असल्याचा आरोप ठेवण्यात आला असून पाकिस्तानच्या गुप्तचर यंत्रणांचे अधिकारी त्यांची चौकशी करीत असल्याचे ‘वृत्त जिओ न्यूज’ या वृत्तवाहिनीने दिले आहे. पाकिस्तानच्या सरकारी आकाशवाणी केंद्रानेही पाच भारतीय गुप्तहेरांना अटक केल्याचे वृत्त दिले आहे. मात्र पाक सरकारकडून याबाबत अधिकृत खुलासा करण्यात आलेला नाही.