इम्रान खान यांच्याविरोधात अटक वॉरंट

२० ऑगस्ट रोजी झालेल्या सभेत खान यांनी केलेल्या भाषणाविरोधात तक्रार दाखल झाली होती. अतिरिक्त जिल्हा आणि सत्र न्यायाधीश झेबा चौधरी यांच्यासह एका महिला अधिकाऱ्याबाबत आक्षेपार्ह विधाने करून धमकावल्याचा आरोप आहे. याबाबत खान यांनी न्यायालयात प्रतिज्ञापत्र दिले. ‘आपण २० तारखेच्या सभेत सीमारेषा ओलांडल्याची जाणीव आहे. यापुढे असे वर्तन होणार नाही,’ असे खान यांनी लिहून दिले. मात्र त्यानंतर थोडय़ाच वेळात सदर न्यायालयाने खान यांच्याविरोधात वॉरंट बजावले. दरम्यान, हे वॉरंट बजावण्यात आल्यानंतर खान यांच्या घराबाहेर पीटीआय पक्षाचे कार्यकर्ते जमण्यास सुरूवात झाल्याचे वृत्त काही पाकिस्तानी माध्यमांनी दिले.