आम आदमी पक्षाचे नेते अरविंद केजरीवाल यांनी विजेच्या दरवाढीविरोधात सुरू केलेले उपोषण पाचव्या दिवशीही सुरूच आहे.
या बेमुदत उपोषणामुळे त्यांची प्रकृती खालावली असून पक्षाच्या सहकार्यानी त्यांच्या तब्येतीबद्दल चिंता व्यक्त केली आहे. त्यांचा रक्तदाब, शरीरातील साखरेचे प्रमाण आणि वजनात घट झाल्याचे त्यांच्या सहकाऱ्यांचे म्हणणे आहे.
विजेच्या दरवाढीविरोधात आतापर्यंत ८२ हजारांच्या वर नागरिकांनी स्वाक्षऱ्या केल्या असून या मागणीचे पत्र दिल्लीच्या मुख्यमंत्र्यांना पाठविण्यात येणार आहे.
