योगेंद्र यादव माझे जीवलग मित्र – केजरीवाल

आम आदमी पक्षाच्या नेत्यांमध्ये दोन दिवसांपासून सुरू असलेला वादाचा धुरळा शांत होण्याची चिन्हे दिसत आहेत. पक्षाचे वरिष्ठ नेते योगेंद्र यादव आणि राष्ट्रीय समन्वयक अरविंद केजरीवाल यांच्यातील पत्रयुध्दाला आता पूर्णविराम मिळणार अशीच काहीशी चिन्हे दिसत आहेत. योगेंद्र यादव यांच्या पत्रांना विचारात घेत अरविंद केजरीवालांनी यादव यांनी केलेल्या सूचना या अत्यंत महत्त्वाच्या व पक्ष हिताच्याच असून, पक्ष त्या सूचनांवर काम करणार असल्याचे ट्विटरवर म्हटले आहे. योगेंद्र यादव माझे जीवलग मित्र असल्याचे देखील केजरीवाल यांनी ट्विट केले आहे.