आशिष नंदा यांचा आयआयएमएच्या संचालकपदाचा राजीनामा

आयआयएमएचा पदभार स्वीकारण्यासाठी ते अमेरिकेतील हार्वर्ड विद्यापीठातील नोकरी सोडून भारतात आले होते. सप्टेंबर २०१३ मध्ये त्यांनी ही जबाबदारी स्वीकारली होती. आयआयएमला लिहेलेल्या पत्रामध्ये त्यांनी वैयक्तिक कारणामुळे आपण राजीनामा देत असल्याचे म्हटले आहे. आपल्या पत्नी आणि मुलापासून दूर राहणे दिवसेंदिवस कठीण होत चालले आहे असे ते म्हणाले. राजीनामा देण्याची ही अतिशय योग्य वेळ असल्याचे ते म्हणाले.

कुमार मंगल बिरला यांच्या नेतृत्वात या संस्थेची कामगिरी उत्कृष्ठ होत असल्याचे त्यांनी म्हटले. या ठिकाणी काम करण्याची मला सौभाग्य मिळाले त्यासाठी मी तुम्हा सर्वांचा ऋणी आहे असे त्यांनी म्हटले. ही जबाबादारी सांभाळताना सर्वांचे सहकार्य मिळाल्याबद्दल त्यांनी आपल्या सहकाऱ्यांचे आभार मानले. कुमार मंगलम बिरला यांनी त्यांचा राजीनामा स्वीकारला आहे. गेल्या काही आठवड्यांपासून ते आपल्याशी याबाबत चर्चा करत होते असे ते म्हणाले. त्यांनी दिलेले कारण लक्षात घेऊन आपण त्यांचा राजीनामा मंजूर केल्याचे बिर्ला यांनी म्हटले.