Assembly Election 2023 Results : लोकशाहीवरील विश्वास मजबूत करणारा निकाल; तीन राज्यांच्या निकालावर पंतप्रधान मोदींची प्रतिक्रिया, जाणून घ्या प्रत्येक अपडेट

भारतीय जनता पार्टीने त्रिपुरा, नागालँड आणि मेघालयामध्ये सत्ता कायम ठेवल्यानंतर पंतप्रधान नरेंद्र मोदी विजयोत्सवासाठी नवी दिल्लीतील भाजपा मुख्यालयात पोहोचले. भाजपा मुख्यालयात त्यांनी पक्ष कार्यकर्त्यांना संबोधित केलं. “आजचे निकाल लोकशाही व्यवस्थेवरील लोकांचा पूर्ण विश्वास असल्याचं दर्शवतात,” असं पंतप्रधान मोदींनी म्हटलं.

एकूण जागा – ६०

एनपीपी- २६

यूडीपी-११

काँग्रेस- ०५

टीएमसी- ०५

काँग्रेस-०२

एका जागेवर अद्याप मतमोजणी सुरू आहे…

त्रिपुरा विधानसभा निवडणूक निकाल -२०२३

एकूण जागा – ६०

भाजपा- ३३

सीपीएम- १४

टीएमपी-१३

नागालँड विधानसभा निवडणूक निकाल -२०२३

एकूण जागा – ६०

एनडीपीपी- ३७

एनपीएफ- ०२

अन्य- २१

काँग्रेस -००

हा दिवस ईशान्य भारतासाठी 'ऐतिहासिक दिवस' आहे. शांतता, विकास आणि समृद्धीसाठी पंतप्रधान नरेंद्र मोदी यांच्या नेतृत्वाखालील भाजपाला लोकांची पसंती असल्याचे पुन्हा स्पष्ट झाले आहे. – अमित शाह

मेघालय विधानसभा निवडणुकीत कोणत्याही पक्षाला बहुमत मिळालं नाही आहे. त्रिशंकू परिस्थिती झाल्यामुळे मुख्यमंत्री संगमा यांनी गृहमंत्री अमित शाहांशी फोनवरून चर्चा केल्याची माहिती मिळत आहे. संगमा यांनी सरकार बनवण्यासाठी अमित शाहांना पाठिंबा मागितला आहे.

नागालँडचे भाजपा आणि मित्रपक्ष असलेल्या एनडीपीपी पक्षाने विधानसभा निवडणुकीत बहुमताचा आकडा गाठला आहे. एनडीपीपी आणि भाजपाला ६० पैकी ३७ जागा मिळाला आहेत. यानंतर पंतप्रधान नरेंद्र मोदींनी ट्वीट करत नागालँडच्या जनतेचं आभार मानले आहेत. “नागालँडच्या लोकांनी एनडीपीपी आणि भाजपाला दिलेल्या आशीर्वादाला धन्यवाद मानतो. डबल इंजिनचं सरकार राज्याच्या प्रगतीसाठी काम करेल,” असं पंतप्रधानांनी म्हटलं.

एनडीपीपी – ३७

काँग्रेस – ०

एनपीएफ – २

एनपीपी – २५

भाजपा – ४

काँग्रेस – ५

भाजपा – ३३

टिपरा मोथा पार्टी – १३

कम्युनिस्ट पार्टी ( मार्क्सवादी ) – १४

नागालँड विधासनभा निवडणुकीत पहिल्यांदा एक महिला उमेदवार विजयी झाली आहे. एनडीपीपी च्या उमेदावर हेकानी जाखलू या दिमापूर विधानसभा मतदारसंघातून निवडून आल्या आहेत. त्यांनी लोक जनशक्ती पार्टीच्या उमेदवारा पराभव केला आहे.

मेघालयात एनपीपी पक्षाचे २५ उमेदवार आघाडीवर आहे. तर, काँग्रेसचे ५ आणि भाजपाचे ३ उमेदवार पुढं असल्याचं दिसत आहे. येथे बहुमतासाठी ३१ च्या आकड्याची गरज आहे. अद्यापही हा आकडा कोणालाही पार करता आला नाही. त्यामुळे येथे त्रिशंकू परिस्थिती असल्याचं दिसत आहे.

त्रिपुरात भाजपाचा ११ जागांवर आपला उमेदवार निवडून आला आहे. तर, २२ ठिकाणी उमेदवार आघाडीवर आहेत. टिपरा मोथा पार्टीचे ४ उमेदवार निवडून आले आहेत. तर, ८ जागांवर उमेदवार आघाडीवर आहेत.

नागालँडमध्ये भाजपा आणि एनडीपीपी ३९ जागांसह आघाडीवर आहे. यानंतर भाजपा प्रदेशाध्यक्ष तेमजेन इम्ना अलॉन्ग यांनी सूचक ट्वीट केलं आहे. ट्वीट करत तेमजेन इम्ना अलॉन्ग म्हणाले की, हारकर जीतने वाले को…. कहते है!

दरम्यान, तेमजेन हे यंदा विधानसभा निवडणुकीच्या रिंगणात उतरले आहेत. अलोंगटाकी मतदारसंघातून ते आघाडीवर आहेत. सुरुवातीला ते पिछाडीवर होते. पण, जसे आघाडीवर आले, त्यांनी संबंधित ट्वीट केलं आहे.

नागालँडलमध्ये केंद्रीय मंत्री रामदास आठवले यांच्या रिपब्लिकन पक्ष पार्टीचा उमेदवार २ जागांवर निवडून आले आहेत. तर, एनडीपीपीचा उमेदवार १ जागेवर निवडून आला आहे. भाजपाचे उमेदवार २ जागेवर निवडून आले असून, १२ जागांवर आघाडीवर आहेत.

नागालँडमध्ये भाजपा मित्रपक्ष असलेली एनडीपीपी पक्षाने बहुमताचा आकडा पार केला आहे. एनडीपीपी ३७ जागांवर आघाडीवर आहे. तर, मेघालयात एनपीपी २६ जागांवर पुढं आहे. काँग्रेस ५ आणि भाजपा ६ जागांवर मेघालयात समाधान मानावं लागत आहे. अद्यापही मेघालयात स्पष्ट बहुमत कोणाला मिळालं नाही.

त्रिपुरात भाजपा पुन्हा सत्तेत येणार असल्याचं दिसत आहे. भाजपाने बहुमताला लागणारा ३१ चा आकडा पार केला आहे. भाजपा ३१ जागांवर आघाडीवर आहे. तर, कम्युनिस्ट पार्टी ( मार्क्सवादी ) ११ आणि टिपरा मोथा पार्टी ११ जागांवर पुढं आहे.

एनपीपी – २०

भाजपा – ६

काँग्रेस – ६

टीएमसी – ५

टीपीपी – ६

एनडीपीपी – १८

भाजपा – ८

काँग्रेस – ५

एनपीपी – १

जनता दल ( युनायटेड ) – २

भाजपा – ३०

टिपरा मोथा पार्टी – ११

कम्युनिस्ट पार्टी ( मार्क्सवादी ) – ११

काँग्रेस – ६

त्रिपुरात भाजपाला कम्युनिस्ट पार्टी ( मार्क्सवादी ) ला मोठी फाइट देत असल्याचं पाहायला मिळत आहे. भाजपा २६ जागांवर आघाडीवर आहे. तर कम्युनिस्ट पार्टी २० जागांवर पुढं आहे. तर, त्रिपुरातील राजघराण्याचा पक्ष असलेला टिपरा मोथा पार्टी १३ जागांवर आघाडीवर असल्याचं दिसत आहे.

त्रिपुरात अचानक आकडेवारीत बदल झाला आहे. सुरुवातीला ४० जागांवर आघाडीवर असलेली भाजपा आता २९ जागांवर पुढं आहे. बहुमतासाठी ३१ जागांची गरज आहे. तर, त्रिपुराचे मुख्यमंत्री मानिक साहा बाहदोवली येथील मतदासंघातून आघाडीवर असल्याचं दिसत आहे.

त्रिपुरात भाजपा ३६, कम्युनिस्ट पार्टी ( मार्क्सवादी ) १५ टीएमसी ९ जागांवर आघाडीवर आहे. नागालँडमध्ये एनडीएचा घटकपक्ष एनडीपीपी ३७, एनपीएफ ८ आणि काँग्रेस २ तर अपक्ष १३ जागांवर आघाडीवर असल्याचं दिसत आहे. मेघालयात एनपीपी २७, काँग्रेस ५ आणि भाजपा ७ जागांवर आघाडीवर असल्याचं सांगण्यात येत आहे.

त्रिपुरात भाजपा ३९ जागांवर आघाडीवर आहे. तर, कम्युनिस्ट पार्टी ( मार्क्सवादी ) १५, टीएमपी ६ जागांवर पुढं आहे. नागालँडमध्ये एनडीचा घटकपक्ष असलेला एनडीपीपी ५०, एनपीएफ ६, तर काँग्रेस एक जागेवर आघाडीवर आहे. मेघालयात एनपीपी २२, भाजपा १०, टीएमसी १०, यूडीपी ८ आणि काँग्रेस ६ जागांवर आघाडीवर असल्याचं दिसत आहे.

त्रिपुरात भाजपाने मोठी आघाडी घेतल्याचं दिसत आहे. ६० पैकी ३४ जागांवर भाजपावर आघआडीवर आहे. तर, टिपरा मोथा पार्टी ( टीएमपी ) ५ जागांवर तर तृणमूल काँग्रेस ५ जागांवर आघाडीवर असल्याचं समोर येत आहे.

त्रिपुरात मतमोजणीला सुरुवात झाली आहे. ६० जागांपैकी १६ ठिकाणी भाजपा मतमोजणीत पुढं आहे. तर, तृणमूल काँग्रेस ३ जागांवर आघाडीवर आहे. तर, नागालँडमध्ये एनडीएत असणारा एनडीपीप पक्ष ६ ठिकाणी आघाडीवर आहे. मेघालयात एनपीपी हा पक्ष आघाडीवर असल्याचं दिसत आहे.

त्रिपुरा, मेघालय आणि नागालँमध्ये सकाळी ८ वाजल्यापासून मतमोजणीला सुरुवात झाली आहे.

त्रिपुरात ६० जागांसाठी १६ फेब्रुवारीला मतदान पार पडलं आहे. एकूण २५९ उमेदवारांनी आपलं नशीब या निवडणुकीसाठी आजमावलं होतं. येथे ८१.१ टक्के मतदान झालं. राज्य मुख्य निवडणूक आयोगाचे अध्यक्ष गित्ते किरणकुमार दिनकारो यांनी सांगितल्यानुसार, ३ हजार ३३७ मतदान केंद्रावर मतदान झालं होतं. यामध्ये ११०० मतदान केंद्र संवेदनशील आणि २८ अतिसंवेदनशील होती.

मेघालय विधासभेच्या ६० जागांसाठी मतदान पार पडलं आहे. येथे २१.६ लाख मतदान असून, ३६९ उमेदवार निवडणुकीच्या रिंगणात होते. यामध्ये ३६ महिला उमेदवारांचा समावेश आहे. तृणमूल काँग्रेस आणि अन्य राज्यस्तरीय पक्षांनी या निवडणुकीत मोठी लढत दिली होती.

नागालँड विधानसभेसाठी १८३ उमेदवार निवडणुकीच्या रिंगणात होते. ६० जागांसाठी २७ फेब्रुवारीला मतदान पार पडलं. येथे १३ लाख मतदार असून, ८२.४२ टक्के मतदान झालं होतं.