Atishi Hunger Strike : दिल्लीच्या जलमंत्री आतिशी यांची प्रकृती खालावली, शुगर लेव्हल कमी झाल्याने रुग्णालयात दाखल!

मंगळवारी पहाटे आतिशी यांची प्रकृती खालावल्याने त्यांना लोकनायक जय प्रकाश (एलएनजेपी) रुग्णालयात नेण्यात आले. हरियाणाने दिल्लीच्या वाट्याचे पाणी सोडावे या मागणीसाठी आतिशी यांनी बेमुदत उपोषण सुरू केले असून आज या उपोषणाचा पाचवा दिवस आहे. एलएनजेपी रुग्णालयातील डॉक्टरांनी सोमवारी आतिशीची तपासणी केली आणि त्यांच्या बेमुदत उपोषणामुळे आरोग्यावर विपरीत परिणाम होत असल्याने त्यांना रुग्णालयात दाखल करण्याचा सल्ला दिला. आतिशी यांनी मात्र आपले बेमुदत उपोषण सुरू ठेवण्याची शपथ घेतली.

आणखी वाचा

Chhagan Bhujbal : छगन भुजबळ प्रकृती बिघडल्याने बॉम्बे रुग्णालयात, पंतप्रधान मोदींच्या पुणे दौऱ्यातून करण्यात आलं एअरलिफ्ट

“आम्ही अमिताभ बच्चन यांना आणून राजेश खन्नाचे करिअर…

धक्कादायक… भाजीत पाल पडली, भंडाऱ्यात ५१ जणांना विषबाधा

चंद्रपूर : लोकप्रतिनिधींच्या मर्जीतील कंत्राटदारांना नोटीस; कारण काय?

Odisha Victim : “पोलिसाने माझी अंतर्वस्त्रं काढली, मला बांधलं मारहाण केली आणि…”, वेदना मांडताना ओडिशा पीडितेच्या डोळ्यात अश्रू

राजस्थानच्या सहाय्यक जिल्हाधिकारी चुकीच्या शस्त्रक्रियेचा बळी? कोण होत्या प्रियांका बिश्नोई?

संजय राठोड प्रकरण : तपासाला आक्षेप नसल्याचा आत्महत्या केलेल्या तरुणीच्या वडिलांचा उच्च न्यायालयात दावा

कोल्हापुरात लेझरमुळे तिघांच्या डोळ्यांना गंभीर इजा; नेत्रविकार तज्ज्ञांकडून बंदी घालण्याची माग

हेही वाचा >> दिल्ली उच्च न्यायालयाचा निर्णय असाधारण! केजरीवाल यांच्या याचिकेवर सर्वोच्च न्यायालयाची टिप्पणी

“माझा रक्तदाब आणि साखरेची पातळी कमी होत आहे आणि माझे वजन कमी झाले आहे. केटोनची पातळी खूप जास्त आहे, ज्यामुळे पुढे जाऊन याचे हानिकारक परिणाम होऊ शकतात”, असं आतिशी म्हणाल्या. या इशाऱ्यांना न जुमानता, “माझ्या शरीराला कितीही त्रास होत असला तरी, हरियाणामध्ये पाणी सोडेपर्यंत मी उपोषण सुरूच ठेवणार आहे,” असे सांगून त्यांनी रुग्णालयात दाखल करण्यास नकार दिला होता. AAP ने असा दावा केला आहे की अतिशी यांची रक्तातील साखरेची पातळी मध्यरात्री ४३ पर्यंत घसरली आणि पहाटे ३ पर्यंत ३६ पर्यंत खाली आली. त्यामुळे, आप पक्षाने रात्री उशिरा त्यांना रुग्णालयात दाखल केले.

“आतिशी यांची रक्तातील साखरेची पातळी ३६ पर्यंत घसरली, त्यामुळे कत्यांना LNJP रुग्णालयात दाखल करण्यात आले आहे”, असे आप नेते आणि दिल्लीचे मंत्री सौरभ भारद्वाज यांनी ट्विट केले. दिल्लीत पाणीटंचाईचा सामना करत असताना, आतिशी यांनी भाजपच्या नेतृत्वाखालील हरियाणा सरकारवर प्रतिदिन १०० दशलक्ष गॅलन (MGD) पाणी सोडत नसल्याचा आरोप केला आहे. यामुळे राष्ट्रीय राजधानीतील २८ लाख लोकांवर परिणाम होत आहे.

दिल्लीतील नागरिक पाण्याच्या टँकवर अवलंबून

“दिल्लीचे सर्व पाणी शेजारील राज्यांमधून येते. हरियाणाच्या भाजप सरकारने १०० MGD किंवा ४६ कोटी लिटरपेक्षा जास्त पाणी रोखून ठेवले आहे, जो दिल्लीचा वाटा आहे”, असं अतिशी म्हणाल्या. सध्या सुरू असलेल्या संकटाला प्रतिसाद म्हणून, दिल्लीच्या कॅबिनेट मंत्र्यांनी जंगपुरा येथील उपोषणस्थळी बैठक घेतली आणि पंतप्रधान नरेंद्र मोदी यांना पत्र लिहून तोडगा काढण्याचा निर्णय घेतला. राष्ट्रीय राजधानीत वाढलेले तापमान आणि उष्णतेच्या लाटेमुळे पाणीटंचाईचा प्रश्न निर्माण झाला आहे. दैनंदिन गरजेच्या पाण्याचा लाभ घेण्यासाठी दिल्लीवासी पाण्याच्या टँकरवर अवलंबून आहेत.