मुलांच्या शिक्षणासाठी रिक्षाचालकाने किडनी विकली; पण पैशांऐवजी त्याला…

मधूबाबू याने ऑनलाइन कर्ज देणाऱ्या ॲपकडून कर्ज घेतले होते. हा कर्जाचा बोजा त्याला कमी करायचा होता. तसेच मुलांच्या शिक्षणासाठीही त्याला पैसे हवे होते. यादरम्यान त्याला फेसबुकवर किडनी प्रत्यारोपणाच्या बदल्यात मोठी रक्कम देणारी जाहिरात दिसली. किडनीच्या बदल्यात ३० लाख रुपये मिळतील, असे आमिष जाहिरातीद्वारे दाखविले होते. ३० लाख रुपये मिळाले तर आपल्या अनेक समस्या सुटतील, असे वाटून मधूबाबूने जाहिरातीवर दिलेल्या क्रमांकावर फोन केला. पण इथूनच त्याच्या मागचे शुक्लकाष्ठ सुरू झाले.

आणखी वाचा

मुंबई : कर्तव्या बजावणाऱ्या पोलिसांना मारहाण करणे महागात, पिता-पुत्राला एक वर्षाच्या कारावासाची शिक्षा

१७ ऑक्टोबर पंचांग: धनसंपत्ती की प्रचंड यश, गुरुवारी…

अशी लेक प्रत्येक बापाला मिळो! वडिलांच्या मारेकऱ्याला शोधण्यासाठी पोलीस झाली, २५ वर्षांनी पकडला गेला आरोपी

शिष्यवृत्तीसाठी विद्यार्थ्यांना ऑफलाइन अर्ज भरण्याची मुभा… काय आहे निर्णय?

महानगरातील आव्हाने पेलण्यासाठी पोलीस दलात अत्याधुनिक सुविधा- महिलांच्या तक्रारी प्राधान्याने सोडविण्याचे गृहमंत्री फडणवीस यांचे आदेश

मुंबई : पाच वर्षांपासून मुलीवर अत्याचार करणाऱ्या पित्याविरोधात गुन्हा

‘समान धोरण’मुळे लाखो विद्यार्थी वंचित; ‘महाज्योती’ बाहेर पडल्यानंतर सरकारच्या निर्णयाची प्रतीक्षा

विजेचा धक्का लागल्याने अपघात, नुकसान भरपाईसाठी स्पष्ट नियमावली तयार करा; उच्च न्यायालयात याचिका

दलाई लामांनी लहान मुलाला किस केल्याचं प्रकरण, POCSO अंतर्गत कारवाईची मागणी न्यायालयाने फेटाळली

मधूबाबूने संपर्क केल्यानंतर त्याची ओळख विजयवाडामधील बाशा नावाच्या व्यक्तीशी झाली. तसेच विजयवाडा येथील एका महिलेची भेटही मधूबाबूशी घालून दिली. या महिलेने किडनी दान केल्यानंतर तिला कसे पैसे मिळाले, याचा अनुभव तिने सांगितला. त्यामुळे आपल्यालाही असेच चांगले पैसे मिळतील असा विश्वास मधूबाबूला वाटला. त्यानंतर विजयवाडा येथील विजया सुपर स्पेशालिटी हॉस्पिटलमध्ये त्याच्यावर शस्त्रक्रिया करण्यात आली. समोरच्या रुग्णाला तातडीने किडनीची गरज असल्याचे त्याला भासविण्यात आले. तसेच शस्त्रक्रियेआधी त्याला प्रवासाचा आणि इतर खर्च देण्यात आला. शस्त्रक्रियेनंतर उरलेले पैसे देऊ असेही त्याला सांगितले.

नोव्हेंबर २०२३ ते जून २०२४ या काळात मधूबाबूला एकून १.१ लाख रुपये देण्यात आले. मात्र शस्त्रक्रियेनंतर ठरल्याप्रमाणे ३० लाख रुपये काही मिळाले नाहीत. ठरलेले पैसे मिळाले नाही म्हणून मधूबाबूने तगादा लावताच त्याल धमकावण्यात आले. आपली फसवणूक झाल्याचे लक्षात आल्यानंतर मधूबाबूने पोलिसांकडे तक्रार केली.

मुलीच्या प्रियकराला तिच्या कुटुंबानेच संपवलं, व्हिडीओ कॉल करुन बोलवलं आणि…

मुलांच्या भवितव्यासाठी घेतला होता निर्णय

मधूबाबूने पोलिसांना सांगितले की, त्यांनी माझ्या आर्थिक अडचणीचा फायदा घेतला. किडनी दान करून मी कुणाची तरी मदत करतोय, असे मला भासवण्यात आले. मी किडनी प्रत्यारोपण करण्यासाठी तयार झालो कारण मला वाटले. या पैशातून मी माझे कर्ज फेडू शकेन. तसेच माझ्या मुलांच्या शिक्षणाची तजवीज यातून करू शकेन.

पोलिसांनी या प्रकरणाचा तपास केला असता अनेक धक्कादायक बाबी समोर आल्या. किडनी दान केल्याचा अनुभव सांगणारी महिला आणि ज्या कुटुंबाला किडनी हवी म्हणून समोर उभे केले, ते दोघेही बोगस असल्याचे चौकशीत समोर आले. तसेच मधूबाबूची डावी किडनी काढण्याचे ठरले असताना त्याची उजवी किडनी काढली गेली. या प्रकारात डॉ. शरद बाबू आणि त्यांच्या रुग्णालयातील डॉक्टरांचाही सहभाग असल्याचे समोर आले.