विमानांचा रोरावता आवाज अन् चित्तथरारक कसरती

बंगळुरूमध्ये हवाई दलाच्या चित्तथरारक कसरतींनी उपस्थितांच्या डोळ्यांचे पारणे फिटले. विमानांचा रोरावता आवाज आणि लवचिकता यांनी येथील आकाश थरारून सोडले. हवाई दलाच्या या लक्षवेधक कसरतींनी सोमवारपासून १५व्या ‘एअरो इंडिया’ हवाई प्रदर्शनाला दिमाखदार सुरुवात झाली.

नक्की वाचा

महाकुंभातील भाविक हैराण, प्रयागराजला येणाऱ्या प्रचंड गर्दीमुळे तासनतास वाहतूक कोंडी

Delhi Assembly Election: पराभव ‘आप’चा, धक्का उद्धव ठाकरे…

Ranveer Allahbadia : रणवीर अलाहाबादिया, समय रैनासह पाच जणांविरोधात ‘या’ राज्यात अश्लीलता पसरवल्याचा गुन्हा, आक्षेपार्ह वक्तव्याचं प्रकरण भोवलं

अधिकाधिक मजबूत होण्यातच हित, ‘एअरो इंडिया’च्या उद्घाटनप्रसंगी संरक्षणमंत्र्यांचे प्रतिपादन

Tanaji Sawant Son Missing : तानाजी सावंतांचा मुलगा ऋषीराज सावंत सुखरुप परतला; नेमकं काय झालं होतं? पुणे पोलिसांनी दिली मोठी माहिती

दिशाभूल करणाऱ्या जाहिरातींप्रकरणी समन्स

Tanaji Sawant : ‘ऋषीराज बेपत्ता की त्याचं अपहरण झालं?’ तानाजी सावंत म्हणाले, “स्विफ्टमधून…”

Manoj Jarange Patil : मनोज जरांगे आता दिल्ली हादरवणार? मुस्लीम, बौद्ध धर्मगुरुंची साथ? रणनिती तयार, हिंदीचा अडथळाही दूर

बंगळुरूमध्ये येलहांका हवाई तळावर पाच दिवस हे प्रदर्शन सुरू राहणार आहे. आशिया खंडातील सर्वांत मोठे प्रदर्शन म्हणून याकडे पाहिले जाते. दर दोन वर्षांनी याचे आयोजन केले जाते. विविध देश आणि कंपन्या या प्रदर्शनात सहभागी झाल्या आहेत. या कंपन्यांनी आपापली उत्पादने प्रदर्शनात मांडली आहेत.

‘हिंदुस्तान एअरोनॉटिक्स लिमिटेड’ने तयार केलेल्या ‘तेजस’ या हलके लढाऊ विमानातून खुद्द हवाई दलाचे प्रमुख एअर चीफ मार्शल ए. पी. सिंग यांनी प्रथम उड्डाण केले. ‘तेजस फॉर्मेशन’चे नेतृत्व त्यांनी केले. त्यानंतर महिला लढाऊ वैमानिकांनी राफेल विमानातून उड्डाण केले. हवाई दलातील लढाऊ महिला वैमानिकांची संख्या वाढत आहे, हे यातून दिसले. त्यानंतर ‘सूर्य किरण एअरोबॅटिक टीम’ने (स्कॅट) चित्तथरारक कसरती केल्या. विविध प्रकारची प्रात्यक्षिके दाखविली. या कसरती पाहून उपस्थित अचंबित झाले. ‘हॉक एमके १३२’ विमानांच्या पथकाने नऊ विमानांनी परस्परांना अगदी जवळून ठेवून अवकाशात भरारी घेतली.

भारतीय नौदलाच्या विमानांनी आकाशात ‘वरुण फॉर्मेशन’ केले. त्याला उपस्थितांनी चांगली दाद दिली. जॅग्वार विमानांनी आकाशात बाणांचा आकार तयार केला. तर, तीन सुखोई लढाऊ विमानांनी त्रिशूळचा आकार तयार केला.

अमेरिका रशियाची पाचव्या पिढीची विमाने एकाच ठिकाणी

अमेरिकेचे ‘लॉकहिड मार्टिन’ कंपनीचे ‘एफ-३५’ आणि रशियाचे ‘सुखोई-५७’ ही दोन्ही विमाने ‘एअरो इंडिया’मध्ये सहभागी झाली आहेत.

जगातील पाचव्या पिढीची विमाने प्रथमच यानिमित्ताने एका व्यासपीठावर आली आहेत. अत्याधुनिक तंत्रज्ञानाने सज्ज अशी ही विमाने संरक्षण तज्ज्ञांना पाहायला मिळणार आहेत. सरकारने प्रसिद्ध केलेल्या निवेदनात ही माहिती देण्यात आली आहे.