Bihar Class 10 Girl dies after falling from terrace : माकडाने धक्का दिल्यामुळे इयत्ता १० वीत शिकणाऱ्या मुलीचा घराच्या छतावरून पडून मृत्यू झाल्याची बातमी बिहारच्या सिवान शहरातून आली आहे. भगवानपूर हाट पोलीस ठाणे अतंर्गत येणाऱ्या माघर गावात ही घटना घडली आहे. मृत मुलीचं नाव प्रिया कुमारी असं आहे. पुढील काही दिवसांत ती दहावीची परीक्षा देणार होती. या घटनेची माहिती देताना पोलिसांनी सांगितलं की प्रिया घराच्या छतावर अभ्यास करत होती. त्याचवेळी माकडांची टोळी तिच्या घराच्या परिसरात दाखल झाली. माकडांची टोळी घरांच्या छतावरून उड्या मारत होती. हे पाहून प्रिया कुमारी घाबरली आणि तिने तिथून धावण्याचा प्रयत्न केला. मुलीला धावताना पाहून माकडं आक्रमक झाली आणि त्यांनी तिच्या दिशेने धाव घेतली. त्याच वेळी एका माकडाने तिला धक्का दिला, ज्यामुळे ती छतावरून खाली कोसळली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
